Follow @khasokhasmag

फ्रान्समा राष्ट्रपतीय निर्वाचनका उम्मेदवार बीच एकअर्काको अपमान, मुद्दा हालाहाल


प्रकाशित मिति : बैशाख २१, २०७४ बिहीबार

फ्रान्समा राष्ट्रपतीय निर्वाचनका मध्यमार्गी उम्मेदवार एम्यानुएल म्याक्रोंले उनका प्रतिद्वन्द्वी राष्ट्रपतीय निर्वाचनकी अति दक्षिणपन्थी उम्मेदवार मारिन ल पेन विरुद्ध मुद्दा दायर गरेका छन्।

बुधबारको टेलिभिजन बहसमा आतंकवाद, अर्थतन्त्र र युरोपका विषयमा विभिन्न तर्कहरु गर्दै माक्रों र ल पेनले दुई घण्टा भन्दा बढी समय एकअर्काको अपमान गरेर बिताएका थिए।

बुधबार ति दुई उम्मेदवारबीच चर्काचर्की परेको टेलिभिजन बहसका बेला ल पेनले माक्रोंलाई विदेशी बैंक खाता, अफशोर एकाउन्ट, मा पैसा लुकाएको आरोप लगाएकी थिइन्।

तर माक्रोंले आफ्नो सामान्यतया कर छलीको उद्देश्यले खोलिने त्यस्तो कुनै पनि गोप्य बैंक खाता नभएको बताएको बिबिसीले जनाएको छ ।
टेलिभिजन बहसका बेला मारिन ल पेनले इन्टरनेटमा माक्रों विरुद्ध चलिरहेको हल्लाहरुको उल्लेख गरेकी थिइन्।

एमानुएल माक्रोंले क्यारीबीयन क्षेत्रमा रहेको नेभिस टापुमा कर छलीको उद्देश्यले एउटा देखावटी कम्पनी खडा गरेको भन्ने आरोप सामाजिक संजालमा निकै चर्चित रहेको छ।

त्यस्तो मनगढन्ते कहानीु अमेरिकी राष्ट्रपति डोनल्ड ट्रम्पको समर्थन गर्ने वेबसाइटहरुमा फैलाइएको थियो र रुसी स्वार्थहरुसंग सम्बन्ध भएका अन्य वेबसाइटहरुमा पनि त्यस्तो हल्ला फैलाइएको छ माक्रोंको चुनाव प्रचार टोलीका सदस्यहरुले बिबिसीलाई बताएको जनाइएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com