KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

अमेरिकी राष्ट्रपति चुनावको प्रमाणिकरण डेडलाईन कुन ब्याटलग्राउण्ड राज्यमा कहिले ?

प्रकाशित मिति : मंसिर ४, २०७७ बिहीबार

एकातिर अहिले अमेरिकाका विभिन्न राज्यहरु राष्ट्रपति चुनावको नतिजा प्रमाणिकरणका लागि अगाडि बढिरहेका छन् । अर्कातर्फ जो बाइडेनले चुनाव जितेका ब्याटलग्राउण्ड राज्यहरुमा प्रमाणिकरण ढिलो बनाउने रणनीतिमा डोनाल्ड ट्रम्प र उनका अभियन्ताहरु सकृय रहेका छन् ।

मुख्य ब्याटलग्राउण्ड राज्यहरुमध्ये जर्जियामा चुनावी नतिजा प्रमाणिकरणको डेडलाईन नोभेम्बर २० बेलुका ५ बजेसम्म रहेको छ । यो राज्यमा त्यतीबेलासम्म अधिकारीहरुले निर्वाचन परिणाम प्रमाणिकरण गरिसक्नुपर्ने प्रावधान रहेको छ ।

बाइडेनले चुनाव जितेको जर्जियामा ट्रम्प पक्षले प्रमाणिकरण ढिलो गराउने प्रयास गरिरहेका छन् । तर जर्जियाका रिपब्लिकन सेक्रेटरी अफ स्टेट ब्राड राफेन्सपर्जरले तोकिएको डेडलाइनभित्रै प्रमाणिकरण गरिसक्ने बताएका छन् । त्यहाँ हातैले पुनगणना भइरहेको छ ।

मिसिगन, पेन्सिलभेनिया र मैनमा चुनावी नतिजा प्रमाणिकरण गर्ने डेडलाइन नोभेम्बर २३ सम्म रहेको छ । यी तीनवटै राज्यमा बाइडेनले चुनाव जितेका छन् । मैनको दोश्रो संसदीय जिल्लाबाट ट्रम्पले एक इलेक्टोरल मत जितेका छन् ।

अमेरिकाको हरेक राज्यको इलेक्टोरल मत संख्या

मिसिगनमा सोमबार गणकहरुको बैठक राखिएको छ । यसैबीच शुक्रबार ट्रम्पले त्यहाँका रिपब्लिकन सांसदहरुसँग ह्वाइटहाउसमा बैठक समेत राखेका थिए । पेन्सिलभेनियामा प्रमाणिकरण गर्ने कडा डेडलाइन नरहेपनि सोमबारसम्म प्रमाणिकरण गर्ने तालिका छ । मैनमा भने खास विवाद नरहेकाले कुनै समस्या देखिएको छैन ।

मिनेसोटा, नर्थ क्यारोलिना र ओहायोमा नोभेम्बर २४ को डेडलाइन रहेको छ । मिनेसोटामा बाइडेनले जितेका छन् भने नर्थ क्यारोलिना र ओहायोमा ट्रम्पले जितेका छन् । यी राज्यहरुमा खासै विवाद देखिएको छैन ।

एरिजोना, आयोवा र नेब्रास्कामा चुनावी नतिजा प्रमाणिकरण गर्ने डेडलाइन नोभेम्बर ३० सम्म रहेको छ । एरिजोनामा बाइडेनले जीतेका छन् भने आयोवामा ट्रम्पले जितेका छन् । नेब्रास्कामा ट्रम्पले जितेपनि दोश्रो संसदीय डिस्ट्रिक्टको १ इलेक्टोरल मत बाइडेनले जितेका छन् । एरिजोनामा रिपब्लिकनहरुले प्रमाणिकरण ढिलो गराउने प्रयास गरेपनि आयोवा र नेब्रास्कामा विवाद छैन ।

नेभाडा र विसकन्सिमा डिसेम्बर १ सम्म चुनावी नतिजा प्रमाणिकरण गर्नुपर्ने डेडलाइन रहेको छ । नेभाडामा बाइडेनले जीतेपनि ट्रम्प पक्षधरले आफूले जितेको दावी गर्दै मुद्दा दायर गराएका छन् । विसकन्सिनमा काउन्टी स्तरको प्रमाणिकरण पूरा भइसकेको छ । तर ट्रम्प पक्षले आंशिक रुपमा पुनगणनाको माग गरिरहेको छ ।

डिसेम्बर ८ मंगलबार मुख्य दिन रहेको छ । यो दिनसम्म राज्यहरुले सबै विवाद समाधान गरेर परिणाम प्रमाणिकरण गरेर पठाएको खण्डमा परिणामबिरुद्ध बाँकी मुद्दामामला हुनेछैन । त्यसपछि ट्रम्प र बाइडेनले इलेक्टोरल कलेजका लागि आफ्ना प्रतिनिधिहरु पठाउनेछन् । त्यसपछि डिसेम्बर १४ मा इलेक्टरहरुले मतदान गरेर राष्ट्रपति चयन गर्नेछन् ।

जनवरी ६ मा संसदले इलेक्टोरल मत गणना गरेर नतिजा घोषणा गर्नेछ । त्यसपछि जनवरी २० मा अमेरिकी राष्ट्रपतिले पदभार ग्रहण गर्नेछन् ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com