प्रधानमन्त्री ओलीले लगाए भाइटीका
प्रकाशित मिति : मंसिर १, २०७७ सोमबार
प्रधानमन्त्री केपी शर्मा ओलीले भाइटीका लगाएका छन् ।
बहिनी कौशल्या कोइरालाले बालुवाटार पुगेर ओलीलाई भाइटीका लगाइदिएकी हुन् । कोइरालाले प्रधानमन्त्री ओलीलाई सप्तरंगी टीका, मखमलीका साथै दुबोको माला लगाइदिएकी थिइन् ।
यस्तै, कोइरालाले प्रधानमन्त्री पत्नी राधिका शाक्यलाई समेत टीका लगाइदिएकी थिइन् । त्यसपछि प्रधानमन्त्री ओलीले बहिनीलाई पनि टीका लगाइदिएका थिए ।