अमेरिकामा ट्रम्पबिरुद्ध दशौंहजारको प्रदर्शन, कैयन पक्राउ

खसोखास अमेरिका ब्यूरो

---

प्रकाशित मिति : बैशाख १९, २०७४ मंगलबार

अमेरिकामा राष्ट्रपति डोनाल्ड ट्रम्पबिरुद्ध दशौं हजारले प्रदर्शन गरेका छन् । उनीहरुले ट्रम्पको अध्यागमन नीतिको विरोध गर्दै नारावाजी गरेका थिए ।

विभिन्न सहरहरुमा गरिएका प्रदर्शनहरुमध्ये प्रहरीले पोर्टल्याण्ड ओरेगनमा गरिएको प्रदर्शन रोेकेको छ । प्रदर्शन अराजक बन्दै गएका कारण रोक्नुपरेको प्रहरीले दावी गरेको छ ।

प्रदर्शनका क्रममा प्रदर्शनकारीहरुले प्रहरीमाथि धुवाँ बम र अन्य बस्तुहरु प्रहार गर्न थालेपछि प्रदर्शन रोकेर २ दर्जनभन्दा धेरैलाई नियन्त्रणमा लिइएको प्रहरीले जनाएको छ ।

प्रदर्शनका क्रममा कालो पोशाक लगाएका प्रदर्शनकारीहरुले पसलहरु तेडफोड गर्नुका साथै डाउनटाउनका सडकमा आगजनी गरेको र प्रहरीको गाडीमा क्षति पुर्याएको प्रहरीको दावी छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

शियाटलमा प्रहरीले पाँचजना प्रदर्शनकारीलाई नियन्त्रणमा लिएको जनाएको छ । प्रदर्शनकारीहरुले प्रहरीमाथि रित्ता बोतल, खुर्सानीको स्प्रे र फायर मार्बलले आक्रमण गरेका थिए ।

क्यालिफोर्नियाको ओकल्याण्डबाट पनि प्रहरीले चारजनालाई नियन्त्रणमा लिएको छ । मानवसांग्लो निर्माण गरेर काउन्टीको भवनमा छिर्न अवरोध गरेका उनीहरुले काउन्टीको प्रहरीले अध्यागमनका सन्दर्भमा संघीय अध्यागमन अधिकारीहरुसँग समन्वय गर्न नहुने माग गरेका थिए ।

अमेरिकाको वेष्टकोस्टमा भएका झडपहरुबाहेक अन्य स्थानमा भएका प्रदर्शनहरु भने शान्तिपूर्ण भए ।