प्रधानमन्त्री ओली भोलि किमाथांका जाँदै
प्रकाशित मिति : कार्तिक २५, २०७७ मंगलबार
प्रधानमन्त्री केपी शर्मा ओली भोली चीनसँगको सीमावर्ती क्षेत्र संखुवासभाको किमाथाङ्का जाने भएका छन् ।
प्रधानमन्त्रीका प्रेस सल्लहाकार सूर्य थापाका अनुसार कोशी करिडोरलगायतका विकास आयोजना र बोर्डर पोस्ट निरीक्षण गर्न प्रधानमन्त्री ओली बुधबार किमाथाङ्का जाने लागेका हुन् ।
प्रधानमन्त्री ओली गत फागुन २२ गते मिर्गौला प्रत्यारोपण गरेपछि पहिलोपटक उपत्यकाबाहिर जान लागेका हुन् । यसअघि उनी उपत्यकाभित्रका कार्यक्रमहरुमा मात्र सहभागी हुँदै आएका थिए ।