तिहारमा पनि तीन दिन बैंकहरु बन्द हुने


प्रकाशित मिति : कार्तिक २५, २०७७ मंगलबार

नेपाल बैंकर्स संघले तिहारमा पनि बैंकहरु बन्द गर्ने भएको छ । संघले तिहारमा तीन दिन बैंकहरु बन्द हुने सूचना जारी गरेको छ ।
संघले मंगलबार विज्ञप्ति जारी गर्दै तिहारको विदामा कात्तिक २९ देखि मंसिर १ गतेसम्म बैंकका शाखाहरु बन्द हुने जनाएको छ ।

बैंकका शाखा बन्द भएता पनि डिजिटल बैंकिङ्ग सेवा सुचारु हुने जनाएको छ । साथै, एटिएम सेवा समेत यथावत रुपमा प्रयोग गर्न सकिने संघले जनाएको छ । कोरोना भाइरस संक्रमणबाट बच्न तथा जोखिम न्यूनिकरणका लागि डिजिटल बैंकिङ्गको अधिकत्तम प्रयोग गर्न समेत संघले आग्रह गरेको छ ।

विश्वव्यापी महामारीको रुपमा फैलिएको कोभिड–१९ को संक्रमण मुलुकमा पनि बढदै गएको र पछिल्ला केही दिनहरुमा सो संख्या झन् बढदै गएको उल्लेख गर्दै बैंकहरुमा हालसम्म ६ हजारभन्दा बढी कर्मचारीहरु संक्रमित भइसकेको पनि संघले जनाएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com