फ्लोरिडामा २०१६ को तुलनामा ट्रम्पलाई यसपटक बढी ल्याटिनो मत
प्रकाशित मिति : कार्तिक १८, २०७७ मंगलबार
सन् २०१६ को राष्ट्रपति चुनावका तुलनामा यसपटक डोनाल्ड ट्रम्पले फ्लोरिडामा बढी ल्याटिनो मत प्राप्त गरेको सीएनएन एक्जीट पोलले देखाएको छ । ट्रम्पले सन् २०१६ को तुलनामा ३५ प्रतिशत बढी ल्याटिनो मत भएको एक्जीट पोलले देखाएको छ ।
जर्जिया र ओहायोमा पनि जो बाइडेनले ल्याटिनो मत गुमाएको एक्जीट पोलले देखाएको छ । पोलका अनुशार बाइडेनले जर्जियामा २५ प्रतिशत प्वाइन्ट र ओहायोमा २४ प्वाइन्टमात्र ल्याटिनो मत पाएका छन् ।
पछिल्लो मतपरिणाम अनुशार फ्लोरिडामा ट्रम्पले अग्रता कायम गरेका छन् । यो समाचार तयार पार्दासम्म ९० प्रतिशत मतपरिणाम आइसकेको छ । जसमा ट्रम्पले ५१ दशमलव २ प्रतिशत र बाइडेनले ४७ दशमलव ९ प्रतिशत मत पाएका छन् ।
जर्जियामा पनि ट्रम्प नै अगाडि रहेका छन् । तर टेक्सासमा भने बाइडेन अगाडि रहेका छन् । यो समाचा तयार पार्दासम्म टेक्सासमा ५६ प्रतिशत मत परिणाम आएको छ । जसमा बाइडेन ट्रम्पभन्दा १ दशमलव ३ प्रतिशतले अगाडि रहेका छन् ।