नयाँ नयाँ नेपाली चलचित्र लगायतका भिडियो सहित अब चलचित्र टिभी, यसरी हेर्नुहोस्
प्रकाशित मिति : कार्तिक १४, २०७७ शुक्रबार
नेपाली चलचित्र, सिरिज र बृत्तचित्र लगायतका भिडियोहरुसहितको प्लेटफर्म चलचित्र टिभीको सुरुवात गरिएको छ । नेटफिल्क्सको शैलीमा नेपाली भिडियो सामाग्रीहरुसहित सुरु गरिएको चलचित्र टिभीले विस्तारै नेपाल र विश्वभर रहेका दर्शकहरुको ध्यान तान्न थालेको छ ।
छ माया छपक्कै, छक्का पञ्जा ३, दालभात तरकारी लगायतका कैयन चलचित्रहरु र वेव सिरिजहरु हेर्न सकिने चलचित्र टिभी फोन, कम्युटर र टेलिभिजनमा समेत हेर्न सकिन्छ । विदेशमा रहेका दर्शकहरुले क्रेडिट र डेबिट कार्डमार्फत र नेपालमा हुनेहरुले इसेवा, आईएमई पे, खल्ती लगायतबाट तिर्न सक्ने सुविधा रहेको छ ।
अमेरिका निवासी युवाहरु सञ्जिव घिमिरे र विकल गुरुङले चलचित्र टिभीको सुरुवात गरेका हुन् । आगामी दिनमा अझ धेरै विशेषताहरु थप गरिन लागेको उनीहरुले बताएका छन् । नेपाली सामाग्रीहरुको प्रवद्र्धनका लागि आफूहरुले यो प्लेटफर्मको सुरुवात गरेको उनीहरुको भनाई छ ।
चलचित्र टिभीका एप्लीकेशनहरु आईओएस र एन्ड्रोइडमा उपलब्ध छन् । कम्प्युटरबाट हेर्न वेवसाइट लगइन गर्न सकिनेछ ।