आश्विनमा नेपाल जानेमा सबैभन्दा धेरै अमेरिकाबाट, दोश्रोमा बेलायतबाट
प्रकाशित मिति : कार्तिक ३, २०७७ सोमबार
![](https://i0.wp.com/www.khasokhas.com/wp-content/uploads/2020/10/rishi-mohan-KNGM4yQBKzE-unsplash.jpg?fit=1500%2C1125&ssl=1)
आश्विन महिनामा विदेशबाट नेपाल जानेमा सबैभन्दा धेरै अमेरिकाबाट रहेको नेपाल सरकारको अध्यागमन विभागले जनाएको छ । आश्विन महिनामा अमेरिकाबाट २४० जना नेपाल गएका थिए, जसमध्ये १६१ जना पुरुष र ७९ जना महिला रहेका थिए ।
आश्विन महिनामा विदेशबाट नेपाल जानेमा दोश्रोमा बेलायतबाट जानेहरु रहेका छन् । बेलायतबाट यो महिनामा १६७ जना नेपाल गएका थिए, जसमा ९७ जना पुरुष र ७० जना महिला रहेका थिए ।
आश्विन महिनामा नेपाल छाडेर विदेश जानेहरुमा भने सबैभन्दा धेरै चीन जानेहरु रहेका छन् । यो महिना ११९४ जना चीन प्रस्थान गरेका थिए, जसमा ९९३ जना पुरुष र २०१ जना महिला रहेका थिए ।
आश्विनमा नेपालबाट अमेरिका जानेहरु ४०२ जना र बेलायत जानेहरु २२५ जना रहेका थिए । आश्विनमा महिना ११९१ जना विदेशीहरु नेपाल आएका छन् भने २८१४ जना विदेशीहरुले नेपाल छाडेका छन् ।
आश्विनमा नेपाल प्रवेश गर्ने नेपालीहरुको कुल संख्याभने ४६ हजार ४८ रहेको छ । त्यस्तै नेपाल छाडेर विदेश जाने नेपालीहरुको संख्या १८ हजार ५ सय ८६ रहेको छ ।