युट्युबमा लोकप्रिय बन्दै बिमल डाँगीको गीत -‘हाम्रोमाया चर्किएको ऐनासरी नफुटोस’
प्रकाशित मिति : कार्तिक २, २०७७ आईतबार
अमेरिका निवासी लोकगायक बिमल डाँगीको रचना र संगीतमा रहेको ‘हाम्रोमाया चर्किएको ऐनासरी नफुटोस’ गीत युट्युबमा लोकप्रिय बन्दै गएको छ । झण्डै एकसातामा १० लाखभन्दा धेरैपटक हेरिएको यो गीत प्रवीण बेडुवाल र रचना रिमालले गाएका छन् ।
डाँगीको यो गीतका ओरिजिनल गायक भने सपना श्री र कृष्णभक्त राई हुन् । जुन गतबर्ष डाँगीले आफ्नै युट्युब च्यानलबाट सार्वजनिक गरेका थिए । ओरिजिनल गीत थोरैपटकमात्र हेरिएपनि प्रवीण बेडुवाल र रचना रिमालको स्वरमा गतसाता पुन सार्वजनिक गरेपछि गीतको चर्चा चुलिएको छ । अहिलेको गीत पनि बिमल डाँगीकै युट्युब च्यानलबाट सार्वजनिक गरिएको छ ।
गीतमा बीबी अनुरागीको संगीत संयोजन, श्याम श्वेत रसाईलीको मिक्सिङ, उदिराम खड्काको निर्देशन, मिराज अर्यालको छायांकन र सम्पादन रहेको छ । गीतको भिडियोमा बिबेक खड्का, सचिन वलि, बिन्दु खड्का, दिपक बिटिएल र मनोज खड्काले अभिनय गरेका छन् ।
गीतमा सन्जीब बराईलीले गीतार, भुवन गन्धर्बले मादल, रबिन कार्की ढलीले भायोलिन र गोपाल देवले बाँसुरी बजाएका छन् ।