‘निद्रा लाग्दैन’ मा लिल्ने


प्रकाशित मिति : आश्विन २८, २०७७ बुधबार

‘कर्मा’ र ‘भोलि देखि छोडिदिन्छु’ लगायतका सर्टमुभीहरुमा अभिनय गरेका अमेरिकाको टेक्सास निवासी युवा नयनराज पाण्डे नयाँ हिपहप गीत ‘निद्रा लाग्दैन’ नयाँ नाम ‘लिल्ने’का साथ आएका छन् ।  यो गीत आफ्नो आगामी एल्बमको गीत रहेको उनले जानकारी दिए ।

यो गीत उनको स्वर र अभिनय रहेको छ भने गीतकार पनि उनी आफै हुन् । यो गीतसहित ७ वटा गीतहरु समेटेको एल्बम यो बर्षको अन्त्यसम्ममा सार्वजनिक गर्ने उनले बताएका छन् । उनका अरु गीतहरु भने अडियो प्लेटफर्महरुमा उपलब्ध हुने उनले जानकारी दिए ।

नयनराज पाण्डे ‘लिल्ने’

उनका सातवटामध्ये २ वटा बाहेक अरु गीतहरु छोटा रहेका छन् भने २ वटा गीतहरु ४ मिनेटसम्मका हुने उनले जानकारी दिए । आगामी एल्बममा उनले अँग्रेजी गीतहरु समेत समावेश गर्ने बताएका छन् ।

उनले यो गीत मेमनेपालसँग मिलेर ल्याएका हुन् । उनले आफ्ना गीतहरु ‘लिल्ने’का नामबाट सार्वजनिक गर्दैछन् । भिडियो सार्वजनिक गरिएको गीतको सिनेमेटोग्राफी कमल पाण्डेको हो । निर्देशन सुमित पाण्डेले गरेका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com