अमेरिकामा ५० हजारभन्दा कम पीपीपी ऋण मिनाहा गर्ने सरल प्रकृया घोषणा, यसरी दिनुहोस् आवेदन
प्रकाशित मिति : आश्विन २३, २०७७ शुक्रबार
अमेरिकामा एसबीएले ट्रेजरी विभागसँगको सल्लाहमा ५० हजारभन्दा कम पीपीपी विजनेश ऋण मिनाहा गर्ने सरल प्रकृयाको घोषणा गरेको छ । यो कदमले ५० हजारभन्दा कम पेचेक प्रोटेक्सन ऋण लिएका विजनेशहरुका लागि मिनाहाका लागि व्यवस्थीत प्रकृयाको व्यवस्था गरेको छ ।
पीपीपी कार्यक्रमले ५२५ बिलियन डलर अमेरिकाका साना विजनेशहरुलाई प्रदान गरिसकेको छ । बिहिबार घोषणा गरिएको प्रकृयापछि अब ५० हजार डलर वा त्यो भन्दा कम ऋण लिएका विजनेशहरुलाई सरल तरिकाले मिनाहा हुने ट्रेजरी सेक्रेटरी स्टेभन मन्चिनले जनाएका छन् । तर जालसाजी पनि रोक्नुपर्ने भएकाले त्यसलाई मध्यनजर गरेर सकेजति साधारण प्रकृया अपनाइएको उनले बताएका छन् ।
एसबीएले ऋण मिनाहाका आवेदनहरु स्वीकृत गर्न सुरु गरिसकेको छ । अक्टोबर २ देखि ऋण मिनाहा सुरु गरिसकेको एसबीएले जनाएको छ । एसीबएले ऋण मिनाहाको कार्यक्रम तीब्र गतिमा अगाडि बढाउने बताएको छ । अमेरिकामा कोरोनाको महामारीका कारण साना विजनेहरुले कामदारलाई पारिश्रमिक दिन नसक्ने अवस्था हुँदा अमेरिकी सरकारले यो ऋणको व्यवस्था गरेको छ ।
साधारण ऋण मिनाहा आवेदन जम्मा २ पेजको मात्र रहेको छ । जसमा विजनेशको नाम, ठेगाना, ट्याक्स आईडी, पीपीपी ऋण नम्बर, ऋण रकम, लेण्डरको पीपीपी ऋण नम्बर, ऋण पाएको मिति, आवेदन दिने बेलाको कामदार संख्या, ऋण मिनाहा हुने बेलाको कामदार संख्या, ईआईडीएल एड्भान्स रकम, ईआईडील आवेदन नम्बर, मिनाहा रकम लगायतका विवरणहरु भरे पुग्छ ।
साधारण ऋण मिनाहा आवेदन हेर्न यहाँ क्लीक गर्नुहोला ।
साधारण ऋण मिनाहा आवेदन कसरी दिने भन्नेबारे अन्यौलमा हुनुहुन्छ भने यहाँ क्लीक गर्नुहोला ।