Follow @khasokhasmag

प्रदेश राजधानी दाङ बनाउने निर्णयविरुद्ध बुटवलमा विरोध, सरकारी गाडीमा तोडफोड


प्रकाशित मिति : आश्विन १६, २०७७ शुक्रबार

प्रदेश ५ को स्थायी राजधानी दाङको देउखुरीमा बनाउने प्रस्ताव पेश गरिएसँगै बुटवलमा विरोध प्रदर्शन सुरू भएको छ । प्रदेश सभाको शुक्रबारको बैठकमा आन्तरिक मामिला तथा कानुनमन्त्री कुलप्रसाद केसीले प्रदेशको राजधानी र नामाकरण प्रस्ताव पेशका थिए ।

त्यस लगत्तै नेपाली कांग्रेसको भातृ संगठन नेविसंघले विरोध जनाउँदै बुटवलमा तीनवटा गाडीमा तोडफोड गरेको छ भने सडकमा टायर बालेको छ । सामाजिक विकास समितिका सभापति दीर्घनारायण पाण्डे सवार लु १ झ ४४५ नं को स्कारपियो, कृषि मन्त्रालय योजना महाशाखाको लु१ झ ४२१ नंको गाडी र लु १ झ ४४९ नं गाडी पनि तोडफोड भएको छ ।

1601636740.jpg

प्रदर्शन हुन थालेपछि बुटवलमा ठूलो संख्यामा प्रहरी परिचालन गरिएको छ । बुटवलको नेपालगञ्ज रोड, पुष्पलाल पार्क र ट्राफिक चोक क्षेत्रमा बाक्लो संख्यामा प्रहरी परिचालन गरिएको छ ।

कांग्रेस रुपन्देही पनि आन्दोलनमा

प्रदेश ५ सरकारले शुक्रबारको संसद बैठकमा पेश गरेको राजधानी सार्ने प्रस्तावप्रति विरोध जनाउदै नेपाली कांग्रेस रुपन्देही आन्दोलनमा उत्रिएको छ । उक्त प्रस्ताव संसदमा टेवल भएलगत्तै कांग्रेसका कार्यकर्ताहरुले सडकमा उत्रिएर विरोध जनाएका छन् ।

पार्टी सभापती अब्दुल रज्जाकद्वारा शुक्रबार जारी गरिएको विज्ञप्तीमा कांग्रेस रुपन्देही कठोर आन्दोलनमा उत्रिएको उल्लेख छ । कांग्रेस रुपन्देहीको विज्ञप्तीमा पार्टिका आम कार्यकर्ता देखि रुपन्देही तथा छिमेकी जिल्लाका सर्बसाधारणहरुलाई आन्दोलनमा सहभागि हुन अपिल गरिएको छ ।

वहुसंख्यक जनताको केन्द्र, पुर्वाधारका हिसाबले उपयुक्त रुपन्देहीबाट राजधानी सारेर दाङ लैजाने नेकपा सरकारको निर्णय प्रति कठोर आन्दोलन शुरु भएको कांग्रेसले जनाएको छ ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com