Follow @khasokhasmag

अब नेपालमा तेजाब छ्यापे २० वर्ष कैद, १० लाख जरिबाना !


प्रकाशित मिति : आश्विन ९, २०७७ शुक्रबार

सरकारले एसिड आक्रमण गर्नेलाई कडा कारबाही गर्न अध्यादेश ल्याएको छ । बिहीबार साँझ बसेको मन्त्रीपरिषद् बैठकले एसिड आक्रमण गर्नेलाई कारबाही तथा पीडितको सम्पूर्ण उपचार, शिक्षा, स्वास्थ्य, जिविकोपार्जनको प्रबन्ध मिलाउने गरी अध्यादेश ल्याएको हो । जुन राष्ट्रपति समक्ष पेश भएर प्रमाणिकरण गर्न बाँकी रहेको छ ।

२५ भदौमा एसिड आक्रमणमा परेकाहरुसँग छलफल गर्दै प्रधानमन्त्री केपी शर्मा ओलीले एसिड आक्रमण गर्नेलाई कारबाही गर्न नयाँ अध्यादेश ल्याउने प्रतिवद्धता व्यक्त गरेका थिए । सोही अनुसार नयाँ कानूनको मस्यौदा तयार भइरहेको छ ।

फौजदारी अपराध संहिताको दफा १९२ र १९३ संशोधन गरी तेजाबजस्ता घातक रसायन छ्यापी दुवै आँखा जले, दृष्टि, दुवै कान जली क्षति भई सुन्ने शक्ति नष्ट भए कानको जाली क्षति भई काम नलाग्ने भए, अनुहार पूर्ण रूपमा जले, वक्षस्थल (स्तन), यौनाङ्ग आदि जले, क्षति भए बीस वर्ष कैद र १० लाख रुपैयाँ जरिबाना निर्धारण गरिएको छ ।

कसैको एउटा आखाँ, एउटा कान, जले, क्षति पुगे, अनुहार कुरुपय भए, एउटा स्तन जले दुवै हात जली काम नलाग्ने भएमा, गोडा पूर्णरूपमा जलेर काम नलाग्ने भएमा, टाउकाको कुनै भाग, मेरुदण्ड जलेमा सातदेखि दसवर्ष कैद सात लाखदेखि दसलाखसम्म जरिवाना निर्धारण गरिएको छ । तेजाब छ्यापेर शरीरको कुनै अङ्गमा गति भएमा कसुरको प्रकृतिअनुसार पाँचदेखि दसवर्षसम्म कैद र एक लाखदेखि पाँच लाख जरिवाना निर्धारण गरिएको छ ।

यस्तो छ एसिड आक्रमण गर्नेलाई कडा कारबाही गर्न ल्याइएको अध्यादेशको पूर्णपाठ:-

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com