काठमाडौमा हेभेन्ली पाथद्वारा ११ औं दिन सम्म खाना पानी वितरण
प्रकाशित मिति : श्रावण २४, २०७७ शनिबार
काठमाडौका विभिन्न स्थानहरुमा रहेका दिनदु:खी असहायहरुलाई हेभेन्ली पाथले खाना र पानी वितरण गरेको छ । हेभेन्ली पाथ अमेरिकाका अध्यक्ष सुकु रुम्दाली र महासचिव हर्क चाम्लिङको संयोजनमा विभिन्न राज्यहरुबाट सहयोग संकलन गरि १० औं दिन सम्म र हेभेन्ली पाथ हङकङका उपाध्यक्षबाट १ दिन गरि ११ दिन खाना पानी वितरण गरिएको छ ।
काठमाडौका पशुपति क्षेत्र, बालाजु, जे. पि. रोड, ठमेल, रत्नपार्क, सोह्रखुट्टेका स्थानहरुमा खाना पानी वितरण गरिएको हो । विपत्तिमा परेकाहरुलाई निरन्तर खाना खुवाउने योजना हुदाहुदै पनि नेपालमा कोरोना संक्रमण बढ्दै गएकोले हालको लागि बन्द गरिएको छ भने निकट भविष्यमा संसार भरि छरिएर बसेका यात्रीहरुको तर्फबाट आवश्यक भए फेरि पनि विपत्तिमा परेकाहरुलाई खानपिनको व्यवस्था गर्ने जनाइएको छ ।