बुढानिलकण्ठ मन्दिरमा जनैपूर्णिमाको चहलपहल (फोटोफिचर)
प्रकाशित मिति : श्रावण १८, २०७७ आईतबार
![](https://i0.wp.com/www.khasokhas.com/wp-content/uploads/2020/08/c538db59-6154-48a8-b3bb-b7833881cf26.jpg?fit=1000%2C750&ssl=1)
आज जनै पूर्णिमा तथा रक्षाबन्धन पर्व मनाइदैछ । रक्षाबन्धनको दिनमा काठमाडौंको बुढानिलकण्ठ मन्दिरमा भक्तजनहरुको बाक्लै उपस्थीति देखियो । कोरोनाका महामारीका बीच पुगेका कैयनले मास्क लगाएका थिए ।
धार्मिक रुपमा जनैपूर्णिमाको विशेष महत्व छ । जनैमा हुने दुईवटा शिखाका ६ वटा डोरामध्ये तीनवटालाई ब्रम्हा, बिष्णु, महेषका रुपमा तीनवटालाई कर्म, उपासना र ज्ञानको योग मानिन्छ । त्यस्तै जुन धागोले दानवहरुका राजा बलिलाई बाँधिएको थियो, त्यही धागोले बाँधेर रक्षा बन्धनले रक्षा गर्ने मन्त्रसहित हातमा रक्षाबन्धन लगाउने चलन छ ।
नेवार समुदायले आजको दिनलाई गुंपुन्हिका रुपमा मनाउने गर्छन् । आजको दिन दिदीबहिनीले दाजुभाईलाई राखी बाँध्ने चलन समेत छ ।
खसोखासकर्मी आशिष खनालले बुढानिलकण्ठ मन्दिरका केही दृश्य तस्वीरमा कैद गरेका छन् ।