नेपालमा थप २४६ जनामा कोरोना संक्रमण, १११ संक्रमित डिस्चार्ज
प्रकाशित मिति : श्रावण १८, २०७७ आईतबार
नेपालमा आइतबार थप २४६ जनामा कोरोना संक्रमण भएको छ । स्वास्थ्य मन्त्रालयका अनुसार पछिल्लो २४ घण्टामा देशभर ८ हजार ८६१ जनामा गरिएको पिसिआर परिक्षणमा २४६ जनामा कोरोना संक्रमण पुष्टि भएको हो । योसँगै संक्रमितको कूल संख्या संख्या २० हजार ३३२ पुगेको छ ।
पछिल्लो २४ घण्टामा देशभर गरी थप १११ जना कोरोना संक्रमित डिस्चार्ज भएका छन् । योसँगै कोरोना भाइरस संक्रमणमुक्त हुनेको कूल संख्या १४ हजार ६ सय ३ पुगेको छ । हालदेशभर गरी १० हजार ९३४ जना क्वारेन्टिनमा रहेका छन् । कोरोनाबाट मृत्यु हुनेको संख्या ५७ पुगेको स्वास्थ्य मन्त्रालयले जनाएको छ ।