नेपालमा थप १३९ जनामा कोरोना संक्रमण, ६२६ संक्रमित डिस्चार्ज
प्रकाशित मिति : श्रावण १२, २०७७ सोमबार
नेपालमा सोमबार थप १३९ जनामा कोरोना संक्रमण भएको छ । स्वास्थ्य मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर गरी १३९ जनामा कोरोना संक्रमण भएको बताएका हुन् ।
योसँगै संक्रमितको कूल संख्या १८ हजार ७५२ पुगेको छ । हाल देशभर गरी ४ हजार ९५० जना सक्रिय संक्रमित रहेका छन् । पछिल्लो २४ घण्टामा देशभर गरी थप ६२६ जना कोरोना संक्रमित डिस्चार्ज भएका छन् । योसँगै कोरोना भाइरस संक्रमणमुक्त हुनेको कूल संख्या १३ हजार ७५४ पुगेको छ ।
संक्रमित मध्ये ७३.३५ प्रतिशत निको भएको स्वास्थ्य मन्त्रालयले जनाएको छ । हाल देशभरका बिभिन्न क्वारेन्टिनमा १६ हजार ३७९ जना रहेका छन् । पछिल्लो २४ घण्टामा ३ जनाको मृत्यु भएसँगै नेपालमा कोरोनाबाट मृत्यु हुनेको संख्या ४८ पुगेको छ ।