वडाध्यक्ष कुटिए
प्रकाशित मिति : श्रावण ९, २०७७ शुक्रबार
सर्लाहीको हरिपूर्वा नगरपालिका ३ का वडाध्यक्ष धर्मराजसिंह महतोमाथि बिहीबार साँझ निर्घात कुटपिट भएको छ ।कुटपिटबाट वडाध्यक्ष महतोको हातमा भित्री चोट लागेको आशंकामा जिल्ला अस्पतालमा सामान्य उपचार गरी काठमाडाैं रिफर गरिएको जिल्ला प्रहरीका प्रवक्ता एवं प्रहरी नायव उपरीक्षक मदन कुँवरले जानकारी दिए ।
यसबीच प्रहरीले वडाध्यक्ष महतोमाथि कुटपिट गरेको आशंकामा दुईजनालाई नियन्त्रणमा लिएको छ । पक्राउ परेका उनीहरूको विषयमा अनुसन्धान भइरहेको कुँवरले जनाए । व्यक्तिगत रिसिबीका कारण कुटपिट भएको प्रारम्भिक अनुसन्धानले देखाएको प्रहरीको भनाइ छ । कुटपिटमा संलग्नहरू वडाध्यक्ष महतोलाई कुट्ने योजनासहित त्यहाँ पुगेको प्रहरीको आशंका छ ।