डडेल्धुरामा खानेपानीको विषयमा झडप, एक बालकको मृत्यु
प्रकाशित मिति : असार २७, २०७७ शनिबार
खानेपानीको विषयमा झडप हुँदा डडेल्धुरामा एक बालकको मृत्यु भएको छ ।जिल्लाको आलिताल गाउँपालिका वडा नम्वर ६ मा खानेपानीको विषयमा झडप हुँदा ८ वर्षीय हिमान्सु महाराको मृत्यु भएको जिल्ला प्रहरी कार्यालय, डडेल्धुराले जनाएको छ ।
गएराति वडाको झरकाँडा भन्ने ठाउँमा भएको झडपमा घाइते भएका महाराको उपचारको क्रममा शनिबार विहान ९ बजेतिर मृत्यु भएको प्रहरीले जनाएको छ । घटनामा संलग्न चार जनालाई पक्राउ गरी प्रहरीले अनुसन्धान थालेको छ ।