पहिरोमा पुरिएर लमजुङमा एकै परिवारका तीन जनाको मृत्यु


प्रकाशित मिति : असार २५, २०७७ बिहीबार

लमजुङको बेसिशहर नगरपालिका वडा नम्बर ७ सातबिसे भन्ने स्थानमा पहिरो जाँदा एकै परिवारका तीन जनाको मृत्यु भएको छ । अन्य चार जना घाइते भएका छन् ।

बिहिबार करिब ११ बजे अविरल वर्षाको कारण आएको पहिरोले घर पुरिँदा बेंसीशहर नगरपालिका १० खाँचे घर भई बेंसीशहर नगरपालिका ७, सातबिसेमा बस्दै आएका दीपक तामाङ, उनको श्रीमति बर्षीय बिमाया तामाङ र छोरा छेवाङ तामाङको मृत्यु भएको हो । दीपककी आमा, बुवा र छोरी भने आफन्तको घरमा गएकाले सकुशल छन् ।

जिल्ला प्रहरी कार्यालय लम्जुङका अनुसार बिमायाको शव राति नै फेला परेको थियो भने दीपक र छोराको राति नै उद्धार गरेर अस्पतालमा पुर्याउँदा चिकित्सकले मृत घोषणा गरेका थिए । उनीहरुको उद्दारका लागि नेपाल प्रहरी र शसस्त्र प्रहरी खटिएका थिए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com