नेकपा स्थायी कमिटी बैठक असार २६ गतेसम्म स्थगित
प्रकाशित मिति : असार २३, २०७७ मंगलबार
![](https://i0.wp.com/www.khasokhas.com/wp-content/uploads/2020/07/nekapa-sthai_samiti.jpg?fit=1920%2C1000&ssl=1)
सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक असार २६ गतेसम्म स्थगित भएको छ । पार्टीभित्र देखिएको विवाद नमिलेको कारण आज बुधबार बस्ने भनिएको बैठक स्थगित भएको एक स्थायी सदस्यले जानकारी दिए । यसअघि पनि सोमबार बस्ने स्थगित भएको थियो ।
लगातार तीन दिनदेखि दुई अध्यक्ष केपी शर्मा ओली र पुष्पकमल दाहालबीच वार्ता हुँदै आएपनि ठोस निर्णय हुन नसक्दा बैठक स्थगित भएको बताइएको छ ।
स्थायी कमिटी बैठकमा बोल्ने अधिकांश सदस्यहरुले प्रधानमन्त्री एवं पार्टी अध्यक्ष केपी शर्मा ओलीले दुवै पदबाट राजीनामा दिनुपर्ने माग गरेपछि बैठक स्थगित हुँदै आएको छ।