गीतकार गदालको नयाँ गीत सार्वजनिक
प्रकाशित मिति : असार २१, २०७७ आईतबार
गीतकार ज्ञानेन्द्र गदालको नयाँ गीत युट्युब मार्फत सार्वजनिक गरिएको छ । ‘मेरो दिलैमा’ बोलको उक्त गीतमा मणिकमल क्षेत्रीको संगीत र कुबेर राइको स्वर रहेको छ ।
सचिन सिंहको संगीत संयोजन रहेको गितको भिडियो भिजन नेपाल फिल्मस एण्ड इन्टरटेन्मेन्टले निर्माण गरेको हो । प्रेमिल भावनाले भरिएको गीतमा गदालले पुर्वी नेपालको अन्तु डाडा, मिरिक लगायत मेचिखोला आसपासका प्राकृतिक छटाहरुको सहारामा आफ्नो प्रेम अभिव्यक्त गरेका छन् ।
लिरिकल भिडियोका निर्माता तथा सम्पादक रबिन्द्र बराल हुन् ।
‘लकडाउनका कारण हाल लिरिकल भिडियो मात्र निर्माण गरिएको हो छिट्टै म्यूजिक भिडियो पनि बनाउने छौं’, – बरालले भने ।
चालिसको दशकदेखि साहित्यमा सक्रिय गदालले ‘दिन ढल्यो अंधेरि रातमा’ लगायत सयौँ लोकप्रिय गित रचना गरेका छन् । उनले करिब १ सय ५० गित र ७ वटा एल्वम सार्वजनिक गरिसकेका छन् ।
उनको “ मलाइ छुने मन” गीतसंग्रह र “झरिपछिको आकाश” गीति कविता पनि प्रकाशित छन् ।
इलामको फिक्कलमा जन्मिएका गदाल केहि समय नेपाल सरकारको नीजामती सेवामा जागिरे पनि थिए । सन् १९९८ देखि अमेरिका बस्दै आएका उनीे नेपाली साहित्यको प्रवर्धनमा सक्रिय संस्था, अन्तराष्ट्यि नेपाली साहित्य समाजको अध्यक्ष समेत रहिसकेका छन् ।
