प्रदेश ५ सरकारले सलह प्रतिकिलो २० रुपैयाँमा किन्ने
प्रकाशित मिति : असार १३, २०७७ शनिबार
![](https://i0.wp.com/www.khasokhas.com/wp-content/uploads/2020/06/locust1-960x504-1.jpg?fit=960%2C504&ssl=1)
प्रदेश ५ सरकारले एक किलो सलह किरा समातेर ल्याउनेलाई २० रुपैयाँ दिने निर्णय छ । भूमि व्यवस्था, कृषि तथा सहकारी मन्त्रालयका सचिव तेजबहादुर वलीका अनुसार सलह किराले पुर्याउन सक्ने क्षति कम गर्न विभिन्न उपायमध्ये किरा संकलन गरेर स्थानीय तहका वडा कार्यालयमा बुझाउनेलाई एक किलोग्रामको २० रुपैयाँका दरले नगद प्रोत्साहन दिने व्यवस्था गरिएको हो ।
मन्त्रालयले सलह किरा दिउँसो उड्ने र साँझमा बास बस्ने भएकाले बास बसेकै ठाउँबाट संकलन गर्न सकिने भएकाले संकलन गर्न र प्रोत्साहन बापतको रकम लिन अपिल गरेको छ । त्यस्तै मन्त्रालयले खेती जोगाउन पनि अपील गरेको छ । धानको बीउलाई सुरक्षित गर्न त्रिपाल वा प्लास्टिकले ढाकेर राख्न अनुरोध गरिएको छ ।