२० बर्षपछि एसाइलमको वर्क परमिटमा नयाँ नियम, फेडरल रजिस्टरमा सुचना
प्रकाशित मिति : असार ५, २०७७ शुक्रबार
अमेरिकी सरकारको युएससीआईएसले एसाइलमका आधारमा प्रदान गरिने वर्क परमिटलाई कम प्राथमिकता दिने नियम ल्याउने भएको छ । सोमबार फेडलर रजिस्टरमा प्रकाशित भएको यो नियम अगस्त २१ देखि लागु हुनेछ ।
युएससीआईएसले अहिलेसम्म एसाइलमका वर्क परमिटको आवेदनबारे फैसला गर्न अन्य साधनश्रोतलाई पनि लगाउने गरेकोमा नयाँ नियमपछि त्यस्ता वर्क परमिटका आवेदनलाई उच्च प्राथमिकता नदिइने भएको छ । विगतले नियमले युएससीआईएसलाई अन्य प्रकारका आवेदनमा काम गरिरहेको श्रोत र जनशक्तिलाई समेत एसाइलमका वर्क परमिटबारे निर्णय गर्नका लागि परिचालन गर्न बाध्य पारेको थियो ।
विगतको नियममा एसाइलम आवेदकले वर्क परमिटका लागि आवेदन दिएको खण्डमा त्यस्तो आवेदनबारे युएससीआईएसले ३० दिनभित्र निर्णय दिनुपर्ने समयसिमा तोकिएको थियो । यद्यपी युएससीआईएसले उक्त समयसिमाभित्र काम पूरा गर्न नसकेको भने लामो समय हुँदै आएको थियो ।
तर सोमबार प्रकाशित हुने नियममा उक्त ३० दिनको समय सिमा तोकिएको छ । जस अनुशार अब युएससीआईएसले एसाइलमका वर्क परमिट जारी गर्नमा चाहेजति धेरैसमय लगाउनसक्ने भएको छ । जसका कारण वर्क परमिट कुरेर बसेका एसाइलम आवेदकलाई समस्या हुनसक्ने देखिएको छ ।
एसाइलमको आवेदन प्राप्त गर्न, छानविन गर्न, प्रकृयामा अगाडि लैजान, राष्ट्रिय सुरक्षा र जालसाजीको विषयलाई सम्बोधन गर्न, परिचय प्रमाणिकरणको प्राविधिक काम पूरा गर्न र अमेरिकाको अध्यागमनलाई झुक्याउन प्रयास भए नभएको निर्धारण गर्न ३० दिनको समयसिमा प्रयाप्त नभएको भन्दै त्यसलाई बढाएर अनिश्चितकालिन बनाइएको हो । ३० दिनको समय सिमाको नियम झण्डै २० बर्ष अगाडि ल्याइएको हो ।
२० बर्ष अगाडि ल्याइएको नियम समयसापेक्ष नभएको युएससीआईएसको ठहर छ । २० बर्ष अगाडिको तुलनामा एसाइलमका आवेदनको संख्या निकै उच्च भएको र युएससीआईएसले पृष्ठभूमि परिक्षण, जालसाजी रोक्न छानविन, सार्वजनिक सुरक्षा, राष्ट्रिय सुरक्षा लगायतमा विषयमा खतरा भए नभएको जाँच लगायतका प्रकृयामा व्यापक परिवर्तन गरिसकेको छ ।
नयाँ नियमले वर्क परमिटको नविकरणबारे पनि परिवर्तन ल्याएको छ । अहिलेसम्म एसाइलमको वर्क परमिट नविकरणका लागि म्याद सकिनुभन्दा बढीमा ९० दिन अगाडि आवेदन दिनसकिने प्रावधान रहेको छ । तर नयाँ नियमले म्याद सकिनुभन्दा बढीमा १८० दिन अगाडि आवेदन दिनसकिने प्रावधान ल्याएको छ ।
नविकरणका लागि लामो समय प्रदान गर्दा आवेदकको वर्क परमिटमा रिक्तता नहुने र युएससीआईएसलाई पनि निर्णय गर्न प्रयाप्त समेत उपलब्ध हुने युएससीआईएसको ठहर रहेको छ ।
जुन २२ मा प्रकाशित अन्तिम नियम यहाँ हेर्नुहोला ।