अमेरिकामा एसाइलम अझ कडा बनाइदै, अदालतमा पुगेका कमजोर आवेदन सुनुवाईविनै खारेज
प्रकाशित मिति : जेष्ठ २९, २०७७ बिहीबार
अमेरिकामा एसाइलम अझ कडा बनाउने प्रस्तावित नियम आगामी सोमबार फेडलर रजिस्टरमा प्रकाशित गरिने भएको छ । यो नयाँ नियम लागु भएपछि अमेरिकामा कोरोनाको महामारीपछि पनि एसाइलम पाउन अझ मुस्किल हुने भएको छ ।
१६१ पृष्ठ लामो नयाँ प्रस्तावका लागि कमेन्ट अवधि समेत राखिएको छ । ६० दिनको कमेन्ट अवधि पछि यो अन्तिम नियमका रुपमा प्रकाशित गरिने जनाइएको छ । नयाँ नियम अनुशार अध्यागमन अदालतका न्यायाधिसले कुनै एसाइलम आवेदनमा त्रुटीहरु रहेको लागेमा वा कमजोर लागेमा त्यस्ता आवेदनलाई सुनुवाईको मौका नदिइकनै अस्वीकार गर्न सक्नेछन् ।
अहिलेको अवस्थामा क्रेडिबल फियर अन्तरवार्ताका क्रममा एसाइलम अफिसरलाई आफ्नो देश फर्केमा यातना वा त्रासको अवस्था रहेको पुष्टी गर्न सकेमा त्यस्ता आवेदकले अदालतमा सुनुवाईको मौका पाउँछन् । तर नयाँ नियम अनुशार यसरी अदालतमा आएका आवेदनलाई समेत न्यायाधिसले सुनुवाईका मौका नदिइकनै खारेज गर्न सक्नेछन् ।
नयाँ नियम अनुशार सुनुवाईका लागि अतिरिक्त मापदण्ड पुरा गरेका आवेदनलाई मात्र अदालती सुनुवाईको मौका दिइनेछ । सबै आवेदनलाई पूर्ण र लामो प्रकृयामा नलगी नयाँ नियम अनुशार व्यवस्थीत गरिने प्रस्तावित नियममा उल्लेख गरिएको छ ।
अहिले कोरोनाको महामारीका कारण हिराशतमा रहेकाबाहेक अन्य प्राय सबैका एसाइलम सुनुवाईहरु पछाडि सारिएको छ । अमेरिकाका अध्यागमन अदालतमा झण्डै ३८ सय नेपालीका एसाइलम आवेदनहरु अहिले पनि पेन्डिङ अवस्थामा रहेका छन् ।
प्रस्तावित नियमको पूर्ण पाठ यहाँ छ ।