अर्घाखाँचीको क्वारेन्टाइनमा बसेका पुरुषको मृत्यु
प्रकाशित मिति : जेष्ठ २८, २०७७ बुधबार
अर्घाखाँचीको मालारानी गाउँपालिकाको क्वारेन्टाइन बसेका एक पुरुषको मृत्यु भएको छ । मालारानी गाउँपालिका- ४ ब्याडापाटाको सार्वजनिक आधारभुत विद्यालयमा रहेको क्वारेन्टाइनमा बसेका ५७ बर्षिय यमप्रसाद खनालको उपचारका लागि बुटबल गएर फर्कर्दै गर्दा बाटोमै मृत्यु भएको स्वास्थ्य कार्यालय अर्घाखाँचीकी प्रमुख पुष्पा थापाले जानकारी दिइन । उनी १२ दिन अँघी भारतको महाराष्ट्रबाट आएका उनी क्वारेन्टाइनमा बस्दै आएका थिए ।
उनलाई स्वासप्रश्वासमा समस्या आएपछि उपचारको लागी मंगलबार जिल्ला अस्पताल सन्धिखर्कमा ल्याईएको थियो । उनको उपचार जिल्ला अस्पताल मा हुन नसकेपछि थप उपचारका लागि लुम्बिनी प्रादेशिक अस्पताल बुटबल रिफर गरिएको थियो । लुम्विनी प्रादेशिक अस्पतालमा उपचार गरेर घर फर्कदै गरेका उनको गोरुसिंगे–सन्धिखर्क सडकको कोन्द्रे खोलामा मृत्यु भएको स्थानीय गोकुल रिजालले बताए । उनको गत २१ गते स्वाब परिक्षणका लागि पठाइएको छ । तर, रिपोर्ट भने आई नसकेको जिल्ला स्वास्थ्य कार्यालयले जनाएको छ ।