कोरोनाबिरुद्धको लडाईमा अमेरिकाबाट नेपाललाई झण्डै ८६ करोड सहयोग
प्रकाशित मिति : जेष्ठ २७, २०७७ मंगलबार
कोरोनाबिरुद्धको लडाईमा अमेरिकाले मार्च यता नेपाललाई झण्डै ८६ करोड रुपैया सहयोग गरेको छ । मार्च यता ७३ लाख अमेरिकी डलर सहयोग गरिएको अमेरिकी दूतावास काठमाडौंले जनाएको छ ।
मार्चमा १८ लाख डलर, अप्रिलमा २५ लाख डलर र अहिले ३० लाख डलर युएसएआइडीले नेपाल सरकार र नेपाली जनताको कोभिड १९ विरुद्धको लडाईंमा प्रदान गरेको हो । पछील्लो ३० लाख डलर कर्णाली र प्रदेश ५ मा कोभिड १९ लगायत अन्य स्वास्थ्य समस्यासँग जुध्न अझै बलियो प्रणाली र प्रतिकार्यको लागि सहयोग निर्माणमा खर्च हुने जनाइएको छ ।
फेब्रुअरी महिनामा नेपाली जनताको लागि पहिलो अन्तरराष्ट्रिय सहयोगीको रूपमा अमेरिकाले पीपीई र कोभिड१९ जाँच सामाग्री हस्तातरण गरेको थियो । त्यो यता अमेरिकाले ७ पटकसम्म ती सामाग्रीहरू पनि सहयोग गरिसकेको छ ।
‘संकटको यस्तो घडी नै कुनै पनि साझेदारीको सच्चा परीक्षा हो र यस कठिन घडीमा र त्यसपछिको समयमासमेत हामी अझै उत्थानशील, स्वस्थ, समृद्ध र आत्मनिर्भर नेपालको निर्माणप्रति प्रतिबद्ध छौं,’ अमेरिकी राजदूत र्यान्डी बेरीलाई उदृत गर्दै विज्ञप्तिमा भनिएको छ, ‘थप सहयोगसँगै युएसएआइडीको नयाँ कोभिड–१९ प्रतिकार्य सहायता घोषणा गर्दछु ।’
We continue to support Nepal’s fight against #COVID19: proud to join @USAIDNepal AMD Adriana to announce an additional $3 million to strengthen local health systems & empower healthcare professionals in Karnali & Province 5.
More: https://t.co/uSoXCeXE3N pic.twitter.com/Og4pkFukcy— Ambassador Randy Berry (@USAmbNepal) June 9, 2020