अमेरिकामा अन्तर्राष्ट्रिय खुला मैत्री तेक्वान्दोले अनलाइनबाट पुम्से प्रतियोगिता गर्ने
प्रकाशित मिति : २७ जेष्ठ २०७७, मंगलबार
अमेरिकाको ओरेगन पोर्टल्याण्डमा मुख्यालय रहेको अन्तर्राष्ट्रिय खुला मैत्री तेक्वान्दो प्रतियोगिताले अनलाइनबाट पुम्से प्रतियोगिता गर्ने भएको छ । अनलाइनमार्फत दुईचरणमा पुम्से प्रतियोगिता हुने अन्तर्राष्ट्रिय खुला मैत्री तेक्वान्दो च्याम्पियनसिपका निर्देशक दिवाकर महर्जनले जानकारी दिएका छन् । प्रतियोगितामा जो सुकैले पनि भाग लिन पाउनेछन् ।
पहिलो चरणमा सबै रंगका बेल्टवालाहरुले आगामी जुन २० को प्यासेफिक समय राती १२ बजेअगाडि सम्म भिडियो पठाउन सकिनेछ । अन्तर्राष्ट्रिय रेफ्रीहरुले जुन २१ देखि २७ सम्म भिडियो हेरेर विजेता घोषणा गर्नेछन् । त्यसका लागि दर्ता खुलिसकेको छ ।
आफ्नो नाम दर्ता गर्न र भिडियो पठाउन यहाँ क्लिक गर्नुहोला ।
त्यस्तै दोश्रो चरणमा ब्ल्याक बेल्टवालाहरुले जुलाई ११ को प्यासेफिक समय राती १२ बजेसम्म भिडियो पठाउन सक्नेछन् । जुलाई १२ देखि १८ सम्म अन्तर्राष्ट्रिय रेफ्रीहरुले भिडियो हेरेर विजेता घोषणा गर्नेछन् । त्यसका लागि जुन २१ पछि दर्ता खुल्नेछ ।
प्रतियोगिताबारेको विस्तृत सुचना प्याकेट यहाँ हेर्नुहोला ।
पुम्से प्रतियोगिताका निर्देशक ग्रयाण्डमास्टर दिवाकर महर्जन हुन् भने अन्तर्राष्ट्रिय सहभागिता अध्यक्ष सिनियर मास्टर लभ गोर्खाली हुन् ।
त्यस्तै इभेन्ट प्रोमोशनका चेयर सिनियर मास्टर विपिन श्रेष्ठ हुन् भने इन्टरनेशल रेफ्री चेयर सिनियर मास्टर रिचार्ड स्याक्स, पुम्से रेफ्री चेयर ग्रयाण्डमास्टर रेमण्ड हासु, भिडियो रिभ्युअर चेयर मास्टर अलेक्जेण्डर लिम हुन् । सफ्टवेयर टेक्निसियन को चेयरहरु केविन महर्जन र सुदिन महर्जन हुन् ।
मे १ र २ मा मिसिगनमा हुने भनिएको १३ औं अन्तर्राष्ट्रिय खुल्ला मैत्री तेक्वान्दो प्रतियोगिता भने कोरोनाको महामारीका कारण स्थगित भइसकेको छ ।