जुन २ मा काठमाडौंबाट टर्किश एयरलाइन्सको विमान इस्तानबुलहुँदै शिकागो आउने
प्रकाशित मिति : जेष्ठ १६, २०७७ शुक्रबार
आगामी जुन २ मा काठमाडौंबाट टर्किश एयरलाइन्सको विमानले इस्तानबुलहुँदै शिकागो उडान गर्ने भएको छ । टर्किश एयरलाएन्सले टिकटका लागि मेगाबाइट ट्राभल एण्ड टुर्ससँग काम गरिरहेको जनाइएको छ ।
उक्त उडानमार्फत अमेरिका आउन चाहने व्यक्तिले मेगाबाइट ट्राभल एण्ड टुर्सका बेनाजिर खानलाई 98011 35988 नम्बरमा र चित्रा गुरुङलाई 98510 38109 नम्बरमा सम्पर्क गर्न सकिने अमेरिकी दूतावास काठमाडौंले जानकारी दिएको छ । उक्त उडानमार्फत अमेरिका आउन चाहने तर काठमाडौंबाहिर रहेका अमेरिकी नागरिकले अमेरिकी दूतावासमा सम्पर्क गर्न सुझाव दिइएको छ ।
दूतावासमा सम्पर्क गर्दा काठमाडौंबाहिरबाट काठमाडौं आउने गाडीको नम्बर, आफू बसिरहेको स्थान, काठमाडौं आउँदा गाडी चलाउने व्यक्तिको नाम, सम्पर्क र लाइसेन्स नम्बर तथा काठमाडौं आएपछि बस्ने स्थानको बारेमा जानकारी दिन सुझाव दिइएको छ ।
उक्त उडानमार्फत अमेरिकी नागरिक, ग्रिनकार्डवाहक, पहिले नै आप्रवासी वा गैरआप्रवासी भिसा लिइसकेका व्यक्ति, ट्राभल डकुमेन्ट वा अन्य कागजातमा नेपालमा गएर उतै अड्केका व्यक्तिहरु अमेरिका आउनसक्ने सम्भावना रहेको छ । तर विस्तृत जानकारीका लागि भने मेगाबाइट ट्राभल एण्ड टुर्समा सम्पर्क गर्नुपर्नेछ ।