मन्त्री अर्यालद्वारा नेकपा अध्यक्ष दाहाललाई नयाँ नक्सा हस्तान्तरण
प्रकाशित मिति : जेष्ठ १०, २०७७ शनिबार
भूमी व्यवस्था, सहकारी एवं गरिबी निवारण मन्त्री पद्मा अर्यालले नेकपाका अध्यक्ष पुष्पकमल दाहाल‘प्रचण्ड’ लाई नेपालको नयाँ नक्सा हस्तान्तरण गरेकी छिन् ।
शनिबार बिहान प्रचण्ड निवास खुमलटार पुगेर मन्त्री अर्यालसहितको टोलीले उनलाई नक्सा हस्तान्तरण गरेका हुन् । कालापानी, लिम्पुयाधुरासहित नेपालले अक्रिमण गरेको भूभागसहितको नक्सा नेपालले सार्वजनिक गरेको छ ।
भारतले भने नेपालले जारी गरेको नक्सा आफूहरुलाई मान्य नभएको बताएको छ । यसअघि भारतले जारी गरेको राजनीतिक नक्सामा नेपालको उक्त भूभाग नसमेटिएपछि चर्को विरोध भएको थियो । अहिले भारतविरुद्ध नेपालमा विभिन्न विरोध तथा प्रदर्शन भइरहेका छन् ।