KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas

प्वाइन्टमा आधारित अध्यागमनबारेको बिल बेलायतको संसदमा पारित, फ्रि मुभमेन्ट खारेज

बेलायतले अष्ट्रेलियाको जस्तै प्वाइन्टमा आधारित अध्यागमन प्रणाली लागु गर्ने बिल संसदबाट पारित गरेको छ । तर यो प्रणाली सन् २०२१ को जनवरीसम्म कार्यान्यनमा ल्याइने जनाइएको छ । पारित बिलले युरोपेली मुलुकका नागरिकहरुको बिना रोकतोक बेलायतमा आवतजावत गर्ने अधिकारलाई पनि खारेज गरिदिनेछ ।

बेलायती संसदमा सोमबार भएको मतदानमा बिलको पक्षमा ३ सय ५१ र विपक्षमा २ सय ५२ मत परेको थियो । संसदको महत्वपुर्ण मतदानबाट पहिलो चरण पार गरिसकेको यो विधेयकले अब संसदका अरु केहि औपचारिक प्रक्रियाबाट अघि बढ्नुपर्नेछ ।

हालसम्मको नियम अनुशार युरोपियन युनियनभित्रका देशका नागरिकहरुलाई बेलायतमा आएर काम गर्नका लागि वर्क परमिटको आवश्यकता पर्दैन । तर बेलायत युरोपियन युनियनबाट अलग भइसकेपछि त्यो छुट खारेज गरेको छ । यद्यपी सन् २०२० को डिसेम्बरको अन्त्यसम्म युरोपियन युनियनभित्रका देशका नागरिकलाई बेलायतमा विना वर्क परमिट काम गर्न दिइने छ ।

तर त्यसपछि पनि बेलायतमा नै बस्न चाहने युरोपियन युनियनभित्रका देशका नागरिकले इयु सेटलमेन्ट योजना अन्तरगत आवेदन दिनुपर्नेछ । सन् २०२० को डिसेम्बर अन्त्यसम्म युरोपियन युनियनभित्रका देशका नागरिकलाई बेलायतमा विना वर्क परमिट काम गर्न दिइने भएमा थप बस्नका लागि नयाँ आवेदन सन् २०२१ को जुनसम्म दिनुपर्नेछ ।

बेलायतले सिको गरेको अष्ट्रेलियामा गएर कुनै आप्रवासीले काम गर्नका लागि त्यहाँ उच्च माग भएका पेशा छनौट गर्नुपर्छ । शिक्षा, उमेर, दक्षता, अँग्रेजी भाषाको ज्ञान लगायतका आधारमा प्वाइन्ट दिने गरिन्छ । अँग्रेजी जान्नु अनिवार्य भएपनि एकदम राम्रो अँग्रेजी जान्नेले २० प्वाइन्टसम्म प्राप्त गर्नसक्छ । २५ देखि ३३ बर्षभित्रको व्यक्तिले ३० प्वाइन्ट प्राप्त गर्नसक्छ भने कम्तीमा ६५ प्वाइन्ट हुनु जरुरी छ ।

बेलायतमा पनि उपयुक्त तलबसहित कम्पनीले स्पोन्सर गरेको व्यक्तिलाई भाषाको ज्ञानको आधारमा प्वाइन्ट दिने प्रणाली ल्याउन लागिएको हो । बार्षिक २१ हजारलाई प्वाइन्टका आधारमा कामदारभिसा उपलब्ध गराउने योजना बेलायतको रहेको छ ।

Loading...

वर्तमान सरकारको नीति अनुरुप बेलायत युरोपियन युनियनबाट अलग भइसकेपछि बेलायतको कामदार भिसा पाउनका लागि बार्षिक ३० हजार पाउण्ड तलब भएको र कम्पनीले स्पोन्सर गरेको दक्ष कामदार हुनुपर्नेछ । उसले आफ्ना डिपेन्डेन्टहरुलाई पनि बेलायतमा ल्याउन सक्नेछ, त्यसका लागि संख्याको सिमाबन्दी तोकिने छैन ।

नयाँ नियम अनुशार श्रमबजारमा जागिरको अफर गर्नका लागि अब रोजगारदाताले पत्रिकामार्फत विज्ञापन गर्नुनपर्ने भएको छ ।

विदेशी कामदारहरुले स्पोन्सर लाइसेन्स भएको कम्पनीबाट सुनिश्चित जागिरको अफर प्राप्त गर्नुपर्नेछ भने स्पोन्सर लाइसेन्स नभएका कम्पनीहरुलाई लाइसेन्सका लागि आवेदन दिन सुझाव दिइएको छ ।

अफर गरिएको काम सरकारी मापदण्डभित्र परेको हुनुपर्छ । पूरानो मापदण्ड अनुशार रेगुलेटेड क्वालिफिकेशन फ्रेमवर्कको लेभल ६ भित्र पर्नुपर्ने प्रावधान रहेपनि नयाँ मापदण्ड अनुशार लेभल ३ भित्र पर्नुपर्नेछ ।

रोजगारका लागि न्यूनतम दक्षता, तलब र सिपको मापदण्ड तय गरिएको छ । युरोपियन युनियनबाट बेलायत बाहिर गइसकेपछि अहिले कार्यान्वयनको चरणमा रहेको छ । कार्यान्वयनको अवधि सन् २०२० भित्र समाप्त हुनेछ । लगत्तै सन् २०२१ को जनवरीमा प्वाइन्टमा आधारित अध्यागमन प्रणाली लागु हुनेछ ।

कम दक्ष कामदारका लागि पनि बेलायतले योजना ल्याउन लागेको छ । तर उनीहरुले भने जम्मा १२ महिनाका लागिमात्र कामदार भिसा प्राप्त गर्नेछन् ।


भिडियो हेर्नुहोस्

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains.
DEVELOPED BY appharu.com
WP2Social Auto Publish Powered By : XYZScripts.com