KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas

एनआरएनए न्युयोर्क च्याप्टर मार्फत न्युयोर्कमा ५ सय ५० बढी नेपालीलाई सहयोग

– रामहरी अधिकारी

२१ औ शताब्दीमा विज्ञानलाई नै चुनौती गर्ने गरी फैलिएको कोरोना भाइरससँग अहिले मानव जगत जुधिरहेको छ। चीनको वुहानबाट शुरु भएको कोभिड १९ ले विश्व जनसमुदाय नै आतंकित भएको अवस्था छ। हाल सम्म विश्वभर ३ लाख भन्दा बढीको मृत्यु भइसकेको छ भने ४७ लाख भन्दा बढी मानिस संक्रमित छन् । यस्तै अमेरिकामा हाल सम्म ९० हजार भन्दा बढीको मृत्यु भएको छ भने १५ लाख १९ हजार भन्दा बढी मानिस संक्रमित भएका छन् ।

विश्व समुदाय संगै कोरोना भाइरसको महामारीमा अमेरिकामा रहेको नेपाली समुदाय पनि अछुतो रहन सकेन। समयमै उचित सावधानी अपनाउँदा अपनाउँदै पनि यो अवधिमा हामीले नेपाली समुदाय न्यूयोर्कबाट मात्र १२ जना दाजुभाइलाई गुमाउनु पर्यो, जसमध्ये ६ जनाको कोरोना को कारण मृतु भएको पुस्टि भएको छ भने सयौं को संख्यामा संक्रमित हुनुभयो ।

शुरुवातमा न्यूयोर्क राज्य कोरोनाबाट बढी आतंकित त थियो तर त्यति धेरै प्रभावित थिएन । हामीहरूले कोरोना भाइरस सम्बन्धी सूचनाहरू दिन शुरु गर्दा नेपाली समाजमा यस्तो भयावह स्थिति आउला भन्ने लागेको थिएन तर मार्चको दोस्रो हप्ता देखि एकाएक संक्रमित र वहॉका परिवार, आफन्तहरुले फोन सम्पर्क गर्न थाल्नु भएपछि समुदाय मा धेरै बिरामीहरू हुनु भएको जानकारी पाए सँगै हाम्रो समुदायका अत्तालिएका दाजुभाइ दिदी बहिनी हरू लाइ के कसरी तत्काल सहयोग गर्न सकिन्छ भनेर शुरु मै अन्य संघ संस्थाका साथीहरु संग सल्लाह गर्यौं ।

शुरुवाती दिनहरूमा बाहिर निस्किएर सहयोग गर्ने सहज अवस्था थिएन । सहयोगको लागि आग्रह गर्ने संक्रमित साथिहरु पनि नाम गोप्य राख्न अनुरोध गर्नु हुन्थ्यो । वहॉहरुको गोपनीयताको कदर गर्दै सहयोग उपलब्ध गराउनु पर्ने हुन्थ्यो । एनआरएनए अमेरिका, न्युयोर्क च्याप्टरको कार्यसमिति कै केही साथीहरू बिरामी पर्नुभयो। संक्रमित संख्या बढ्दै जॉदा सीमित स्रोत र साधन लिएरै भए पनि उहाँ हरुको दुखमा सकेको सहयोग गर्नका लागि निस्कनु पर्ने अवस्था रह्यो। पैसा भएर पनि सामान पाउन सक्ने अबस्था थिएन ।

Loading...

सहयोगको आग्रह बढ्दै जॉदा हामीहरूलाई न्युयोर्क मा क्रियाशिल केही संघ संथाहरुले एउटा ठुलो टिम बनाएर काम गर्ने भनेर आएका सल्लाहहरूलाई दृष्टिगत गरी मिटिंगहरु पनि गरियो एकद्वार प्रणालीबाट काम गरौं भनेर। अलग अलग समूहबाट काम शुरु भई सकेकाले र एउटा टिमभन्दा समुदायमा क्रियाशिल सम्पूर्ण संघ संस्थाहरुले आआफ्नो टिम बनाएर काम गर्दा सहयोग पुर्याउन छिट्टो र सहज हुने मनन गरि पूर्णतया एक द्वार प्रणाली लागू गर्न नसकिए पनि हामीले सबै संघ संस्था सँग आवश्यक सहकार्य गरेर नै काम गरिरहेका छौं ।

शुरुवाती दिनहरूमा हामीले पर्याप्त सहयोग सबैमा पुराउन कठिन भयो। पैसा खर्च गरेर पनि समानहरू बजार मा समान पाईने अवस्था थिएन । हामीले आर्थिक सहयोग लिने भन्दा बढी प्राथमिकता अन्य सहयोग प्राप्त गर्नमा दियौं । नेपालीको लागी नेपाली भन्ने मान्यताका साथ स्थापना भएको एनआरएनए अमेरिका अन्तर्गत रहेको न्यूयोर्क च्याप्टर न्यूयोर्क निवासी आम नेपालीको घर दैलो मै पुगेर सहयोग पुर्याउन दृढताका साथ लाग्यो र धेरै हद सम्म हामी सफल पनि रह्यौं । यो महामारीमा आम नेपाली समुदायको प्रतिनिधिका रूपमा काम गरेका छौं भन्ने लागेको छ ।

यस महामारीको समयमा नेपाली समुदायका अगुवाहरू तथा संघ संस्थाका व्यक्तिहरू आफ्नो ज्यानलाई जोखिममा राखी समुदाय लाइ सुरक्षित राख्न सहयोग गर्नुहुने सम्पूर्णलाई धन्यवाद दिन चाहन्छौं ।

न्यूयोर्कमा नेपाली समुदायका लागि सहयोग गर्न धेरै सामाजिक संघ संस्थाहरू सक्रिय भएको र ति सबैको सहयोगले नै हामीले न्यूयोर्कमा ५ सय ५० भन्दा बढी बिरामी तथा अशक्त परिवारलाई अत्यावश्यक स्वास्थ्य सामग्री र खाध्य सामग्रीहरू घरघरमा पुर्याउन हामी सफल भएका छौं । ४० भन्दा बढी व्यक्तिहरूले स्वयम सेवकका रूपमा काम गर्नुभएको छ। सम्पूर्ण स्वयम सेवकहरू प्रति आभारि छौं जसले आफ्नो ज्यानको प्रभाव नगरी समुदायको सेवामा खट्नु भएको छ ।

यो महामारीमा नेपाली समुदायलाई सुरक्षित राख्नका लागि अमेरिका भरबाट अत्यावश्यक स्वास्थ्य सामाग्रीहरु सहयोग प्राप्त भएको थियो यो र क्रम निरन्तर रहेको छ। हामीलाई आवश्यक सहयोग गर्ने सम्पूर्ण सहयोगी महानुभावहरूका हार्दिक धन्यवाद ज्ञापन गर्न चाहन्छौं अनि हाम्रो कार्यको सूचना तथा कोरोनाबाट बँच्न र संक्रमित भएको अवस्थामा ध्यान दिनु पर्ने कुराहरू जन समक्ष पुर्याउनमा सहयोग गर्नु भएकोमा पत्रकार तथा संचारकर्मी मित्रहरूलाई धन्यवाद ज्ञापन गर्न चाहन्छौं । एनआरएनए एनसिसि, अमेरिका र आईसिसिले यो विपदमा खेलेको सक्रियता र समन्वयकारी भूमिका र न्यूयोर्क च्याप्टर लाइ प्रदान गरेको आर्थिक, भौतिक र नैतिक सहयोग प्रति आभार ब्यक्त गर्दछौं ।

अहिले कोरोनाको संक्रमण कम भएको र बिरामीको संख्या कम देखिए पनि भ्याक्सिन बनी नसकेको अवस्थामा अझै हामी केही समय सतर्क हुनुपर्ने अवस्था छ । काममा फर्किने अवस्था बन्दै जॉदा सुरक्षा तथा स्वास्थ्य सामाग्री माग बढ्ने निश्चित छ र सो पुराउन सकेमा उत्तम हुने थियो भन्ने हाम्रो ठहर छ । त्यस बारेमा केन्द्रीय समितिसँग समेत हामीले आवश्यक छलफल गरिरहेका छौं ।

हामीले अमेरिकामा अध्ययनका लागि आएका विद्यार्थीहरूलाई समेत सहयोग गरिरहेका छौं र थप सहयोग गर्नुपर्ने देखिएको छ। हामीले गरेका कामहरू बारे मूल्याङ्कन गरी आबस्यक सुझाव र सल्लाह प्रदान गरी थप जोश र जॉगरका साथ अगाडी बढ्न समुदायबाट यसै गरी प्रेरणा पाइरहने कुरामा विश्वस्त छौं । आगामी दिनमा आउन सक्ने यस्ता महामारीका लागि समेत हामी तयारी अवस्थामा रहनुपर्ने देखिन्छ । यसर्थ सम्पूर्ण जनसमुदायमा सर्तकताका लागि अनुरोध समेत गर्दछौं ।

अन्तमा, यो कोरोना भाइरसको महामारीबाट ज्यान गुमाउनेहरुमा हार्दिक श्रद्धाञ्जली तथा बिरामी पर्नु भइ घरमा आराम गर्नु भएका र अस्पतालमा उपचाररतहरुको सिघ्र स्वास्थ्य लाभको कामना गर्दछौं। आगामी दिनमा समेत यहाँहरुसंग निरन्तर सहकार्य गर्दै समाजको हितमा काम गर्ने प्रतिवद्धता जाहेर गर्दछौं ।

(एनआरएनए अमेरिकाको न्युयोर्क च्याप्टरका अध्यक्ष रामहरी अधिकारीले जारी गर्नुभएको वक्तब्यको पूर्ण पाठ ।)


भिडियो हेर्नुहोस्

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains.
DEVELOPED BY appharu.com
WP2Social Auto Publish Powered By : XYZScripts.com