बारम्बार सोधिने प्रश्न : मैले पाइरहेको बेरोजगारी विमा रकम किन रोकियो ?
प्रकाशित मिति : बैशाख २५, २०७७ बिहीबार
बेरोजगारी विमा रकम आवेदन दिएकाहरुले साप्ताहिक रुपमा पाउँदै आएको रकम अचानक रोकिने गरेको छ । यो समस्या कैयनले सामना गरिरहेका छन् भने यो प्रश्न बारम्बार सोधिने प्रश्न बनेको छ । तर यो प्रश्न अनुत्तरित छैन, यसबारेमा न्युयोर्क डिपार्टमेन्ट अफ लेबरले जवाफ दिएको छ ।
डिपार्टमेन्ट अफ लेबरले तपाईको योग्यतामा फरक पार्ने कुनै विवरण प्राप्त गरेका कारण तपाईले पाउँदै आएको साप्ताहिक बेरोजगारी बिमा रकम रोकिएको हुनसक्छ । साप्ताहिक बेरोजगारी रकम प्रमाणिकरण गर्ने क्रममा कुनै गल्ती भएको भएमा पनि यस्तो हुनसक्छ ।
Q: I was receiving benefits, but they stopped. What’s going on?
A: The DOL may have received information impacting your eligibility. Respond to any questionnaires, messages and calls from us ASAP. Continue to certify weekly, and do not use VPN or internet anonymizer services. pic.twitter.com/Ws9jH5jybf
— NYS Department of Labor (@NYSLabor) May 7, 2020
तर यसो भएमा पनि साप्ताहिक रुपमा प्रमाणिकरण नछुटाउन डिपार्टमेन्ट अफ लेबरले सुझाव दिएको छ । साप्ताहिक प्रमाणिकरण गर्दा भीपीएन वा इन्टरनेटका अज्ञात सेवाहरु प्रयोग नगर्न सुझाव दिइएको छ ।
यदि पहिले पाइरहेको रकम रोकिएको खण्डमा डिपार्टमेन्ट अफ लेबरका तर्फबाट सोधिएका प्रश्नको जवाफ दिन सुझाव दिइएको छ । त्यस्तै फोन कल वा अन्य सन्देशको पनि यथाशीघ्र जवाफ दिन सुझाव दिइएको छ ।
न्युयोर्कमा बेरोजगारी विमाको आवेदन दिइसकेपछि रकम प्राप्त गर्न दुईदेखि तीनसातासम्म लाग्नसक्ने डिपार्टमेन्ट अफ लेवरले जनाएको छ । अहिलेको अवस्थामा जटिल प्रकारको आवेदनमा अझ धेरै समय लाग्नसक्ने जनाइएको छ । तरपनि साप्ताहिक रुपमा प्रमाणिकरण गर्न नछाड्न र फोन, सन्देश तथा प्रश्नको जवाफ दिन डिपार्टमेन्ट अफ लेवरले सुझाव दिइको छ ।