KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

फ्याक्ट चेक : नेपालीको टीपीएसको कागजातको अवधि अरु थपिएको छैन

प्रकाशित मिति : बैशाख २४, २०७७ बुधबार

के नेपालीको टीपीएस अरु ६ महिना थपिएको हो ?

होइन । नेपाल लगायत ६ देशका टीपीएसवाहकको कागजातको अवधि सन् २०२१ को जनवरी ४ बाट अहिलेसम्म अरु थप भएको छैन । गतबर्षको नोभेम्बरमा ४ मा नै युएससीआईएसले फेडरल रजिस्टरमा सुचना प्रकाशित गरेर यसबारे जानकारी दिएको थियो । अहिले नेपालको टीपीएसबारे कुनै नयाँ अपडेट वा जानकारी छैन ।

सामाजिक सञ्जालमा नेपालको टीपीएसको अवधि थपिएको भन्दै समाचार पोष्टहरु आइरहेका छन् भने केही अनलाइनहरुले पनि टीपीएसको अवधि थपिएको आज अमेरिकी सरकारले घोषणा गरेको भन्दै समाचार प्रकाशित गरेका छन् । टीपीएसको अवधि थप्नेबारे अमेरिकी सरकारले आज कुनै सुचना प्रकाशित गरेको छैन ।

टीपीएसमा रहेका नेपालीहरुको कागजातको अवधि सन् २०२१ को जनवरी ४ सम्म थपिएको सुचना गतबर्ष नै प्रकाशित पुरानो सुचना हो । गत मार्च २४ मा नेपालीको टीपीएसको अवधि समाप्त भएकोमा युएससीआईएसले कागजातको म्याद स्वत थपेर सन् २०२१ को जनवरी ४ सम्म पुर्याएको हो ।

टीपीएसको म्यादबारे धेरै प्रश्नहरु आएकाले आफूले त्यो म्याद सन् २०२१ को जनवरी ४ सम्म रहेको जानकारी सामाजिक सञ्जालमा पोष्ट गर्दा टीपीएसको कागजातको अवधि अरु थपिएको भनेर कतिपय व्यक्तिमा भ्रम परेको हुनसक्ने मेरिल्याण्ड राज्यको संसदमा प्रतिनिधित्व गर्ने डेलिगेट ह्यारी भण्डारीले जानकारी दिए ।

भण्डारीले सामाजिक सञ्जालमा भनेका छन् – ‘यो गतबर्षको सुचना हो । नेपालीको टीपीएसमा कुनै परिवर्तन वा थप भएको छैन ।’

टीपीएसवाहकका कागजातको म्याद जनवरी ४, २०२१ सम्म अमेरिकी सरकारले स्वत थपिसकेकाले टीपीएसवाहकले कुनै पनि आवेदन दिनुपर्दैन । रोजगार दातालाई फेडरल रजिस्टरमा प्रकाशित सुचना देखाएर वर्क परमिटको म्याद थपिएको जानकारी गराउन सकिनेछ ।

टीपीएसका कागजातको म्याद जाँच गर्न टीपीएसवाहक , रोजगारदाता वा अन्य एजेन्सीहरुले युएससीआईएसका ई भेरिफाई, रोजगार योग्यता प्रमाणिकरण वा सेभ जस्ता अनलाइन टुलको समेत प्रयोग गर्नसक्नेछन् । वर्क परमिटका लागि आवेदन दिएका तर वर्क परमिट प्राप्त नगरिसकेकाहरुले भने नयाँ म्याद सहितको वर्क परमिट प्राप्त गर्नेछन् ।

टीपीएसमा रहेका व्यक्तिले म्याद थपिएको सुविधा लिनका लागि कुनै शुल्क तिर्नुपर्दैन । विगतमा कुनै पनि रि रजिस्ट्रेशनको बेलामा राम्रोसँग रिरजिस्ट्रेशन नगरेका वा छुटेकाहरुले अझै पनि रिरजिस्ट्रेशन गर्नसक्ने युएससीआईएसले जनाएको छ । तर त्यसका लागि पहिलो पटक भने टीपीएसका लागि आवेदन दिएको हुनुपर्छ । रिरजिस्ट्रेशन गर्नका लागि छुट्नुको राम्रो कारण पनि पेश गर्नुपर्ने जनाइएको छ ।

यदि भविश्यमा अमेरिकी अदालतबाट टीपीएसको पक्षमा कुनै आदेश वा फैसला आएमा अमेरिकी सरकारले पुन दर्ताका लागि सुचना प्रकाशित गर्न वा त्यसको प्रकृयाबारे जानकारी गराउनसक्ने जनाइएको छ । अमेरिकी सरकारले टीपीएस अन्त्य नगर्नका लागि दिइएका आदेशहरुबिरुद्ध सर्किट कोर्टमा अपिल गरिसकेकाले टीपीएसको विपक्षमा फैसला आएमा टीपीएसवाहकलाई देश छाड्न वा स्टाटस एडजस्ट गर्नका लागि सरकारले होण्डुरस, नेपाल, निकारागुवा र सुडानलाई कम्तीमा १२० दिनको म्याद दिनेछ । एल साल्भाडोरलाई भने त्यहाँका टीपीएसवाहक धेरै भएकाले एकबर्षको म्याद दिइनेछ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com