कोरोना संक्रमणका कारण भर्जिनियामा पन्थीको निधन
प्रकाशित मिति : बैशाख १६, २०७७ मंगलबार
कोरोना भाइरस संक्रमणका कारण अमेरिकाको भर्जिनिया राज्यमा बसोबास गर्ने गैरआवासीय नेपाली महेश पन्थीको निधन भएको छ । भर्जिनिया राज्यको सेन्टरभिलमा बस्दै आएका पन्थीको मंगलबार बिहान उपचारका क्रममा अस्पतालमा निधन भएको हो ।
कोभिड १९ बाट संक्रमित भएका पन्थीको बिगत २० दिनदेखी इनोभा फेयर ओक्स अस्पतालमा उपचार भईरहेको थियो । नेपालमा ललितपुर कुपन्डोल घरभएका पन्थीका आमा, एक श्रीमती, एक छोरा र एक छोरी छन् । पन्थी एक दशक देखि अमेरिका थिए । पूर्व खेलाडी समेत रहेका पन्थीको निधनप्रति स्थानिय संघ सस्थाहरुले सामाजिक सञ्जाल मार्फत दुख व्यक्त गरेका छन् ।
बाल्टिमोर एशोसियन अफ नेप्लिज इन अमेरिका (बाका) का पूर्व अध्यक्ष विजय श्रेष्ठले पन्थीको निधनमा दुख व्यक्त गर्दै शोक सन्तप्त परिवारमा समवेदना व्यक्त गरेका छन् ।