अमेरिका : हिराशतमा रहेका बाहेक अन्य सबैका अदालती सुनुवाई मे १५ सम्म स्थगित
प्रकाशित मिति : बैशाख ९, २०७७ मंगलबार
अमेरिकामा सबै अध्यागमन अदालतमा हिराशतमा रहेका बाहेक अन्य सबैका हेयरिङ मे १५ सम्म स्थगित गरिएको छ । मे १५ सम्म हिराशतमा रहेका बाहेक अन्य सबैका सबै हेयरिङ स्थगित गरिएको डिपार्टमेन्ट अफ जस्टिस एक्जुकेटिभ अफिस फर इमिग्रेशन रिभ्युले जनाएको छ ।
यसअगाडि मे १ सम्मका लागि स्थगित गरिएकोमा आज त्यसलाई बढाएर मे १५ बनाइएको हो । अमेरिकाका कैयन अध्यागमन अदालतहरु पूर्णरुपमा बन्द गरिएका छन् भने कतिपय आंशिक रुपमा खुल्ला रहेका छन् ।
Hearings in non-detained cases are postponed through May 15, 2020.
— DOJ EOIR (@DOJ_EOIR) April 21, 2020
कुन अदालत खुल्ला छन् कुन बन्द छन् थाहा पाउन यहाँ क्लिक गर्नुहोला ।
अदालती सुनुवाई स्थगित हुँदा त्यसको मार नेपालीहरुमा पनि परेको छ । अमेरिकी अध्यागमन अदालतमा नेपालीहरुका झण्डै ४ हजार केसहरु अनिर्णित अवस्थामा रहेका छन् । त्यसमध्येको कैयनको अदालती सुनुवाई मार्च, अप्रिल र मे महिनाका लागि तय भएका थिए ।
बर्षौ कुरेर अदालती सुनुवाईको मिति पाएकाहरुले अब अर्को मिति कहिले प्राप्त गर्ने हुन् भन्नेबारे केही टुंगो लागेको छैन । जसका कारण बर्षौ अमेरिकामा अदालतको फैसला कुरेर बसेका र छिट्टै परिवार भेट्ने आशामा रहेकाहरुको भविश्य थप अन्यौलग्रस्त भएको छ ।