Follow @khasokhasmag

एकपटक अस्वीकृत भएका सवा सातलाखलाई पुनः अमेरिकी भिसा


प्रकाशित मिति : चैत्र १७, २०७३ बिहीबार

अमेरिकाले सन् २०१६ (आर्थिक बर्ष) मा एकपटक भिजिटर लगायतका गैरआप्रवासी भिसा अस्वीकृत भइसकेका ७ लाख २४ हजार ६ सय ६४ जनालाई पुन भिसा जारी गरेको छ । जसमध्ये कैयन नेपालीहरुसमेत छन् ।

अमेरिकाको गैर आप्रवासीभिसा एकपटक अस्वीकृत भएमा त्यही आवेदनबारे अपिल गर्न नपाइने प्रावधान रहेपनि अमेरिकाले एकपटक भिसा अस्वीकृत भइसकेका कैयन व्यक्तिलाई सोही प्रयोजनका लागि पुन भिसा जारी गर्दै आएको छ ।

अमेरिकाले सबैभन्दा धेरै गैर आप्रवासी भिसा अस्वीकार अमेरिकी भिसा कानुन इमिग्रेशन एण्ड नेशनालिटि एक्टको २१४ बी अनुशार अस्वीकार गर्दै आएको छ । यदि आवेदकले आफूले आवेदन दिएको गैर आप्रवासी भिसाका लागि योग्य रहेको प्रमाणित गर्न नसकेको खण्डमा वा आवेदकले अमेरिकामा स्थायीरुपमा बस्न नमिल्ने गरी आफ्नो देशमा फर्कनुपर्ने अवस्था पुष्टी गर्न नसकेको खण्डमा यो ऐन अन्तरगत भिसा अस्वीकार गरिन्छ ।

तर एकपटक भिसा अस्वीकृत भइसकेपछि पनि सोही प्रयोजनका लागि थप कागजात वा विवरणसहित आवेदकले तत्कालै आवेदन दिएर भिसा अधिकारीको चित्त बुझाउन सकेमा भने एकपटक अस्वीकृत भइसकेपछि पनि अमेरिकाले सोही आवेदकलाई भिसा प्रदान गर्दै आएको छ ।

यसरी एकपटक भिसा अस्वीकृत भइसकेपछि पुन आवेदन दिएर भिसा पाउनेहरु सन् २०१६ मा विश्वभरबाट ७ लाख २४ हजार ६ सय ६४ जना रहेका थिए । जसमध्ये २७ हजार ७ सय ८ जना अध्यागमन ऐनको २१४ बी अनुशार सुरुमा भिसा अस्वीकृत हुनेहरु रहेको अमेरिकी सरकारको डिपार्टमेन्ट अफ स्टेट ब्यूरो अफ कन्सुलर अफेयर्सले जनाएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com