पोर्चुगल: लिस्बनमा एउटै फ्ल्याटमा बस्ने ८ जना नेपालीमा कोरोना संक्रमण
प्रकाशित मिति : चैत्र १९, २०७६ बुधबार
पोर्चुगलको लिस्बनमा एउटै फ्ल्याटमा बस्ने ८ जना नेपालीमा कोरोना संक्रमण पुष्टी भएको छ।
उनीहरुमध्ये एकजनालाई दुईहप्तादेखि ज्वरो आएको र स्वस्थ्यकर्मीको सल्लाहमा औषधी खादा पनि निको नभएपछि स्वास्थ्य परीक्षण गर्दा कोरोना संक्रमण पुष्टी भएको हो।
ति नेपालीमा कोरोना संक्रमण पुष्टी भएसंगै एउटै फ्ल्याटमा बस्ने सबैको स्वास्थ्य परिक्षण गरिएको थियो । स्वास्थ्य परिक्षणबाट सबै ८ जना नेपालीमा कोरोना संक्रमणको पुष्टी भएको छ। एउटै घरमा बस्ने भएकोले एकबाट सबैमा कोरोना संक्रमण भएको अनुमान गरिएको छ।
संक्रमितहरु मध्ये एक जनालाई अस्पतालमा भर्ना गरिएको छ। अन्य सात जनामा कोरोना सामान्य अवस्थामा देखिएको र अस्पतालमा स्थान नभएकोले घरमै आइसोलेसनमा राखिएको छ।
सोही भवनको अर्को फ्ल्याटमा बस्ने र संक्रमितहरुको सम्पर्कमा रहेका अन्य ५ जनामा पनि संक्रमणको जोखिम कम गर्न क्वारेन्टाइनमा राखिएको छ।