बेलायतमा १० दिनदेखि आइसोलेसनमा बसेका इन्जिनियर केदार पन्तको निधन
प्रकाशित मिति : चैत्र १६, २०७६ आईतबार
एनआरएएनए युकेका सल्लाहकार तथा नेपाल इन्जिनियर्स एसोसिएसन युके सेन्टरका संस्थापक सल्लाहकार इन्जिनियर केदार पन्तको निधन भएको छ । वीनेपाली डटकममा प्रकाशित समाचार अनुशार पन्तको शनिबार निधन भएको हो ।
लण्डनस्थित निवासमै अस्वस्थ महसुस गरेपछि पन्तलाई इलिङ अस्पताल लगिएको जनाइएको छ । अस्पतालमा चिकित्सकले उनलाई मृत घोषणा गरेका छन् ।
पन्तको मृत्युको हृदयघातबाट भएको आशंका गरिएको पनि कोरोना भाइरसको समेत परीक्षण गरिएको छ । तर रिपोर्ट आउन भने बाँकी रहेको छ । उनलाई र्मिगौलासम्बन्धी समस्या रहेको बताइएको छ ।
लामो समयदेखि लण्डनमा बस्दै आएका लम्जुङ्गका पन्त विगत १० दिनदेखि घरबाटै आइसोसनमा बस्दै काम गर्दै आएका थिए । ५९ वर्षीय पन्तका श्रीमती र एक छोरा छन् ।
यसअगाडि बेलायतमा मृत्यु भएका दुई नेपालमा कोरोना पोजेटिभ देखिएको थियो ।