पुष्कर बरालको नयाँ गजल गीत बजारमा
प्रकाशित मिति : चैत्र २, २०७६ आईतबार
डेढ़ दशक देखि साहित्य लेखनमा सकृय पुष्कर बरालको शब्दमा करोडौका लोकप्रिय गायक बादलुको घुम्टोले, निष्टुरीले छाडेर गईहाली, माया बस्यो मुटुमा, मन रहे पो माया प्रिती जस्ता सयौ हिट गीत नेपाली साँङगीतिक बजारलई दिन सफल गायक यम बरालको अर्को नयाँगजल गीत हलचल जीन्दगीमा भर्खरै युटुबबाट स्रोता माझ आएको छ । जादुमयी स्वरका धनि यम बरालले यो गजल गीतमा आफै संगीत भरेका छन् ।
गीतमा आँशुका कुरा छन्, प्रेमका कुरा छन् बिछोड र उदासिपनका कुरा छन् । मान्छे जीवनमा एक न एक रुपमा एक्लो बन्छ र उसको जिन्दगीमा कस्ता कस्ता पिडाका बाढिहरु उर्लन्छन् भन्ने कुरालाई गजलकार गीतकारले शब्दमा एकदमै मार्मिक ढङ्गले उतार्न सफल भएको देखिन्छ ।
भिडीयोमा पछिल्लो समय अभिनयमा निकै ब्यस्त रहेकी नायिका/ मोडल केकी अधिकारी र गजलकार पुष्कर बराललाई भिडीयोमा देख्न सकिन्छ भने भिडीयोमा कृश थापा र पृन्साले पनि सघाएका छन् । ओएसआर डिजीटल युटुब च्यानल बाट बजारमा आएको यो गजल गीतलाई बिक्की पुलामी मगरले भिडीयो निर्देशन गरेका छन् भने प्रज्वल पन्तले भिडीओ खिचेका हुन ।