न्युयोर्कसिटीदेखि सान फ्रान्सिस्कोसम्मका अध्यामगन अदालतमा ‘मास्टर हेयरिङ’ स्थगित
प्रकाशित मिति : चैत्र १, २०७६ शनिबार
न्युयोर्कसिटीदेखि सान फ्रान्सिस्कोसम्मका ६ वटा अध्यामगन अदालतमा अप्रिल १० सम्मका लागि हिराशतमा रहेका बाहेकका अन्य आप्रवासीका मास्टर क्यालेण्डर सुनुवाई स्थगित गरिएको छ । बोस्टन, लस एन्जलस, नेवार्क, न्युयोर्क सिटी, स्याक्रामेन्टो र सान फ्रान्सिस्कोका अध्यागमन अदालतमा हिराशतमा रहेका बाहेकका अन्य आप्रवासीका मास्टर क्यालेण्डर सुनुवाई स्थगित गरिएको डिपार्टमेन्ट अफ जस्टिस एक्जुकेटिभ अफिस फर इमिग्रेशन रिभ्युले जनाएको छ ।
The following immigration courts are postponing non-detained aliens’ master calendar hearings through April 10: Boston, LA, Newark, NYC, Sacramento, San Francisco. Usual operations for filings. Operational updates here and case status at https://t.co/xIJBjDeEG8.
— DOJ EOIR (@DOJ_EOIR) March 14, 2020
त्यस्तै वासिंटन राज्यमा रहेको शियाटल अध्यागमन अदालतमा अप्रिल १० सम्मका लागि सबै अध्यागमन सुनुवाईहरु स्थगित गरिएको छ । शियाटलको अध्यागमन अदालत अप्रिल १० सम्म बन्द नै रहने भएको छ । तर अन्य ६ वटा अध्यागमन अदालतहरु खुल्ला रहने भएपनि हिराशत बाहिर रहेकाहरुको मास्टर क्यालेण्डर सुुनुवाई हुनेछैन ।
शियाटलको इमिग्रेशन अदालत बन्द रहेको अवस्थामा इमर्जेन्सी फाइलिंग गर्न परेमा टकोमामा रहेको अध्यागमन अदालतमा गर्न सकिने भएको छ । न्युयोर्कको ब्रोडवे, फेडरल प्लाजा र भेरिक स्ट्रीटमा रहेका अध्यागमन अदालतमा इन्डिभिजुअल हेयरिङ भने जारी नै रहनेछ । त्यस्तै लस एन्जलसको नर्थ लस एन्जलस, अलिभ र भ्यान नुयसमा पनि हिराशतमा रहेकाहरुको मास्टर क्यालेण्डर हेयरिङबाहेक इन्डिभिजुअल हेयरिङ जारी रहनेछ ।
त्यस्तै बोस्टन , नेवार्क, स्याक्रोमेन्टो र सान फ्रान्सिस्कोमा पनि इन्डिभिजुअल हेयरिङ जारी रहनेछ ।