सोमबारदेखि ग्रिनकार्डमा कडाई गर्ने पब्लिक चार्ज नियम, मेडिकेड र फुडस्ट्याम्प पब्लिक चार्जमा गणना

अमेरिकी सरकारले सोमबारदेखि गास, बास र स्वास्थ्यका लागि सरकारी सुविधा लिने वा लिने सम्भावना हुनेहरुलाई ग्रिनकार्डमा कडाई गर्ने पब्लिक चार्जको नियम लागु गर्दैछ । यो नियम अन्तरगत सरकारी सुविधा लिएका वा लिने सम्भावना हुनेहरुको ग्रिनकार्ड वा भिसा अस्वीकृत समेत हुनसक्छ ।

खासगरी फरबरी २४, २०२० भन्दा अगाडि नै सरकारी सुविधा लिएकाहरुको हकमा भने यो नियम लागु नहुने युएससीआईएसले जनाएको छ । तर त्यसपछि सरकारी सुविधा लिनेहरुको सन्दर्भमा यो नियम लागु हुनेछ ।

आम्दानी कायम गर्नका लागि सरकारबाट लिएको नगद सुविधा पब्लिक चार्जको नियमभित्र पर्नेछ । यर्थात यस्तो सुविधा लिएको खण्डमा उक्त व्यक्ति नयाँ नियमबाट प्रभावित हुनेछ । यो सुविधामा अतिरिक्त सुरक्षा आम्दानी एएसएसआई, टेम्पोरेरी एसिस्टेन्स फर निडी पिपुल टीएएनएफ, संघीय, राज्य तथा स्थानीय सहायता कार्यक्रमहरु यसभित्र पर्छन् ।

Loading...

त्यस्तै यदि व्यक्ति २१ बर्षभन्दा कम उमेरको वा गर्भवती छैन भने र संघीय रुपमा फण्डेड मेडिकेड सुविधा लिएको छ भने यो पनि पब्लिक चार्ज अन्तरगत पर्नेछ । आवासीय सुविधा, भाडाका लागि सुविधा, सार्वजनिक आवास सुविधा जस्ता सुविधाहरु लिएको खण्डमा पनि पब्लिक चार्ज अन्तरगत पर्नेछ । त्यस्तै फुड स्ट्याम्प वा स्न्याप सुविधा पनि पब्लिक चार्ज अन्तरगत नै पर्नेछ ।

जमानत रकम राखेर ग्रिनकार्ड आवेदन स्वीकृत हुनेहरुको सन्दर्भमा ३६ महिनाको अवधिमा १२ महिनाभन्दा बढी लगातार यस्तो सुविधा लिएको खण्डमा उसको जमानत जफत हुनेछ । यदि कुनै व्यक्तिले ३ महिनासम्म लगातार फुड स्ट्याम्प र मेडिकेड लिएमा त्यसको गणना ६ महिना हुनेछ ।

सोमबारदेखि ग्रिनकार्ड आवेदनसँगै आत्मनिर्भरता फर्म : क्रेडिट स्कोरदेखि शैक्षिक योग्यतासम्म

Loading...

फरबरी २४ भन्दा अगाडि नै ग्रिनकार्ड प्राप्त गरेर आप्रवासीको परिवारका रुपमा सरकारी सुविधा लिनेहरुलाई यो नियमले असर गर्नेछैन । त्यस्तै अमेरिकी सेनाका परिवारहरुलाई पनि यो सुविधा लिदैमा पब्लिक चार्जको नियमले प्रभाव पार्नेछैन । आपतकालिन स्वास्थ्य सहयोग लिनेहरुलाई पनि असर पर्नेछैन ।

२१ बर्ष मुनीकाहरु, गर्भवती भएको बेलामा सुविधा लिनेहरु, अपांगता भएकाहरुलाई पनि मेडिकेड लिंदा कुनै असर पर्नेछैन । अफोर्डेवल केयर एक्ट अन्तरगत स्वास्थ्य विमा, सोसल सेक्युरिटी सुविधा र मेडिकेयर, वीक, चीप, इनर्जी सहायता, विद्यार्थी लोन, कामदार क्षतिपूर्ति, वेरोजगार सुविधा, ट्याक्स रिफण्ड, ट्याक्स सम्बन्धि अन्य नगद सुविधाहरु पब्लिक चार्ज अन्तरगत पर्दैनन् ।

यदि तपाईले विगतमा कुनै पनि प्रकारको सरकारी सुविधा लिनुभएको थियो र लिने योजनामा हुनुहुन्छ भने लाइसेन्सप्राप्त कानुन व्यवसायीसँग सम्पर्क गरेर सल्लाह गर्न सक्नुहुनेछ ।

Loading...

एसाइलम गरेकाहरु, शरणार्थीहरु, यु र टी भिसाका आवेदकहरु, टीपीएस आवेदकहरुलाई पब्लिक चार्जको नयाँ नियम लागु हुनेछैन । तर यदि तपाई रोजगारमा आधारित कुनै पनि प्रकारको आप्रवासी वा गैरआप्रवासी भिसाका लागि आवेदन दिदै हुनुहुन्छ भने तपाई सबैभन्दा धेरै यो नियमबाट प्रभावित हुनुहुनेछ ।

कतिपयले युएससीआईएसका विभिन्न पेजहरु हामीलाई रिफर गरेर मेडिकेड र फुड स्ट्याम्प पब्लिक चार्जमा नपर्ने तर्क गर्नुभएको छ । युएससीआईएसको उक्त नियम पुरानो नियम हो । पछिल्लो नियम र त्यसबारेका प्रश्नोत्तर युएससीआईएसको यो पेजमा हेर्नुहोला ।

भिडियो हेर्नुहोस्


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com