‘चुनाव विथोल्न गिरिजाप्रसादले ठोक्नुपर्यो भन्नुभएकै हो, म पनि साक्षी छु’ – बाबुराम भट्टराई

समाजवादी पार्टी नेपालका संघीय परिषद् अध्यक्ष डा. बाबुराम भट्टराईले जुनयुद्ध दिवसका अवसरमा नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले दिएको अभिव्यक्तिमा सत्यता भएको बताएका छन् ।

काठमाडौंमा शुक्रबार पत्रकारसँग कुराकानी गर्दै भट्टराईले गिरिजाप्रसाद कोइरालाले ठोक्नुपर्‍यो भनेको र आफु त्यसको साक्षी भएको बताए । उनले भने, ‘१२ बुँदे समझदारीको ड्राफ्ट गर्ने म नै हुँ । उहाँहरुले शान्तिपूर्ण ढंगले र हामीले फौजी ढंगले प्रहार गर्ने सहमति भएको थियो । हामीले युद्धविराम भंग गरेर जाने निर्णय गर्दा उहाँ (गिरिजा) ले ठोक्नुपर्‍यो भनेर चाहिँ भन्नुभएको हो । लौन कारवाही अगाडि बढाउनुपर्‍यो उहाँले भनेको हो म पनि साक्षी थिएँ ।’

भट्टराईले भनेका छन्  – ‘प्रचण्डजीको शैली सानो कुरालाई पनि बढाईचढाई गरेर उत्तेजना फैलाउने खालको छ । पहिले गिरिजाप्रसाद कोइरालासँग हाम्रो संघर्ष नै थियो, पहिले नै उहाँले त्यसो भन्नुभएको होइन । नभएको कुरा गर्नु उहाँमाथि अन्याय हुन्छ । यथार्थ के हो भने १२ बुंदे समझदारी भएपछि माघमा ज्ञानेन्द्रले नगरपालिका घोषणा गरेपछि गिरिजाप्रसादले ठोक्नुपर्यो भन्नुभएको हो । म पनि त्यतीबेला सँगै थिएँ । ल है कारवाही अलिक बढाउनुपर्ने भयो भन्नुभएको थियो ।’

‘त्यो एकदुईपटक भनेको कुरालाई प्रचण्डले युद्धभरी नै कारवाही गर भनेको जस्तो गरी प्रस्तुत गर्नुभएको हो । सत्य चाही कति हो भने ज्ञानेन्द्रले घोषणा गरेको नगरपालिका निर्वाचन विथोल्नका लागि प्रतिकार बढाउनुपर्यो भन्नुभएको चाँही हो ।’  भट्टराईले खुलासा गरेका छन् ।

Loading...

उनले १२ बुँदे समझदारी नै कांग्रेसलगायतका सात दलले शान्तिपूर्ण आन्दोलन गर्ने र तत्कालीन माओवादी फौजी ढंगले अघि बढ्ने सहमति भएको बताए ।

नेकपा अध्यक्ष प्रचण्डले बिहीबार पार्टी कार्यालय धुम्बाराहीमा भएको कार्यक्रममा जनयुद्धका बेला तत्कालीन नेपाली कांग्रेस सभापति गिरिजाप्रसाद कोइरालासँग फोनमा कुराकानी हुँदा फौजी कारबाही बढाउन आग्रह गरेको बताएका थिए ।

तत्कालीन एमालेका नेता बामदेव गौतम, युवराज ज्ञवाली लगायतले आफूहरु जनयुद्धमै रहेको समयमा आधार इलाकामै आएर छलफल गरेको र एक प्रकारको समझदारी गरेको भन्दै प्रचण्डले त्यही समझदारीको दायरा फराकिलो हुँदै राजतन्त्र अन्त्य र गणतन्त्र स्थापनाको आधार तयार भएको बताएका थिए । प्रचण्डले नेपाली काँग्रेसका तत्कालीन सभापति गिरिजाप्रसाद कोइराला र आफूबीच १२ बुँदे सहमतिको सेरोफेरोमा दैनिक सम्पर्क हुने गरेको र गिरिजाप्रसाद कोइरालाले आफूहरुलाई फौजी आक्रमण बढाइदिन आग्रह गर्ने गरेको खुलासा पनि गरेका थिए ।

Loading...

‘ठूल्ठूला फौजी आक्रमण गरिदिनुपर्यो भन्नुहुन्थ्यो, यसले नै राजतन्त्र अन्त्य गर्ने वातावरण बन्यो,’ अध्यक्ष प्रचण्डले खुलासा पनि गरेका थिए । अर्को नेतृत्व र अर्को विचार हुन्थ्यो भने शान्ति प्रक्रियामा आउने कुरा त्यति सजिलो नभएको पनि उनले बताएका थिए ।

भिडियो हेर्नुहोस्


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com