ब्राउन सुगरसहित ३ जना पक्राउ
प्रकाशित मिति : माघ २६, २०७६ आईतबार
लागुऔषध अनुसन्धान ब्युरोले बाँकेको टोलीले नेपालगन्जबाट २ सय १८ ग्राम लागुऔषध ब्राउन सुगरसहित ३ जनालाई पक्राउ गरेको छ । भारतबाट नेपाल भित्र्याउँदै गरेको अवस्थामा भारत मोतिपुरका लागु औषध कारोबारी चादबाबु भन्ने अब्दुल रसिदबाट २ ग्राम दशमलब लागु औषध ब्राउन सुगर बरामद गरेको हो । अनटेष्ट मोटरसाइकलमा हेलमेटभित्र लुकाएर ल्याउँदै गरेको अवस्थामा चादबाबु पक्राउ परेका हुन् ।
त्यसैगरी २ सय १८ ग्राम ब्राउन सुगरसहित कैलाली टीकापुरका शिबराज पुरी र बिष्णु कुमारी पुरीलाई भे ९ प ६५२९ नम्बरको मोटरसाइकलसहित प्रहरीले पक्राउ गरेको हो । पक्राउ परेका अभियुक्तहरुले ३ हजार ५ सय प्रतिग्रामका दरले सीमावर्ति भारतीय बजारबाट ब्राउन सुगर खरिद गरेर काठमाण्डौ पुर्याएर प्रतिग्राम १० हजारका दरले बेच्ने गरेको प्रारम्भिक अनुसन्धानबाट खुलेको छ । १०० ग्राम भन्दा बढी परिमाणमा ब्राउन सुगरसहित पक्राउ पर्ने ब्यक्तिलाई १५ बर्षदेखि जन्म कैद हुने कानुनी ब्यवस्था रहेको छ ।