कन्हैया कुमार पक्राउ
प्रकाशित मिति : माघ १६, २०७६ बिहीबार
वामपन्थी नेता कन्हैया कुमार पक्राउ परेका छन् । जेएनयू छात्र संघका पूर्व अध्यक्षसमेत रहेका कुमारलाई बिहारको चम्पारणबाट प्रहरीले पक्राउ गरेको हो ।
सरकार विरोधी एक महिने जन–गण–मन यात्राको तयारी गरिरहेको अवस्थामा उनलाई पक्राउ गरेको भारतीय सञ्चारमाध्यमले जनाएका छन् । सरकारले अघि सारेको नागरिकता कानूनको विरोधमा उनले यात्रा गर्न लागेका थिए । यात्रा विहारका सबै प्रमुख शहरमा पुग्ने कार्यक्रम रहेको थियो ।