भ्रमण बर्षको प्रवद्र्धनका लागि राखिएका यती हटाइयो, यतीलाई भगवान ठानेर ढोग्दै श्रद्धालु
प्रकाशित मिति : माघ १३, २०७६ सोमबार
भ्रमण वर्ष २०२० का लागि भन्दै सरकारले विभिन्न सम्पदास्थलमा राखिएका यतीका मस्कटबारे विवाद सृजना भएको विवाद पछि विभिन्न स्थानमा राखिएका यतीका मस्कट हटाइउको छ ।
हनुमानढोका, पाटन दरबार क्षेत्र र बौद्ध परिसर लगायतका क्षेत्रमा राखिएको यतीको मस्कट हटाइएको जनाइएको छ। एकातिर राखिएका यतीका मस्कटको स्वरुपबारे नै विवाद भएको छ भने अर्कोतर्फ कतिपय यतीको मस्कटमा पिठ्यूँमा जीवित देवी कुमारी र बुद्धको आकृति समेत बनाइएकोमा त्यसको विरोध भएको छ ।
हनुमानढोका क्षेत्रमा राखिएको दुईवटा यतीको पिठ्यूँमा जीवित देवी कुमारी र बुद्धको आकृति मिश्रित चित्र राखिएको थियो । त्यसको विरोध भएपनि त्यहाँ राखिएका यतीका मस्कट हटाइउको छ ।
बौद्ध परिसरमा सोमबार राखिएको यती पनि हटाइएको छ। विश्वसम्पदा सूचीमा रहेको बौद्ध स्तूपाअगाडि राखिएका यतीका मस्कटलाई त्यहाँ पुग्ने श्रद्धालुले भगवान ठानेर ढोग्न थालेपछि मस्कट हटाइएको जनाइएको छ ।
पाटन दरबार क्षेत्रमा राखिएका दुईवटा यती पनि हटाइएको छ। पशुपति क्षेत्रमा पनि यतीको मस्कट राख्न रोक लगाइएको छ।
चित्रसहित एउटा यती निर्माण गर्न ८ लाख खर्च भएको छ भने एक सय ८ यती बनाउन करिब १० करोड रुपैयाँ बजेट छुट्याइएको छ।तर यतीको स्वरुप बिगारिएको भन्दै त्यसको विरोध भइरहेको छ ।