सभापति देउवा सानेपामा पुग्दा कार्यकर्ताबीच झडप
प्रकाशित मिति : माघ १३, २०७६ सोमबार
प्रमुख प्रतिपक्षी नेपाली कांग्रेसको भातृ संगठन नेपाल विद्यार्थी संघका नेताहरु पार्टी केन्द्रीय कार्यालय परिसरमै झडपमा उत्रिएका छन् । पार्टीको संस्थापन पक्षले विधान विपरित नेविसंघको नेतृत्व चयन गर्न लागेको भन्दै विरोध प्रदर्शन गरिरहेका महासचिव कुन्दनराज काफ्लेमाथि हातपात गरेको हो ।
नेविसंघको विधानमा केन्द्रीय पदाधिकारी ३२ वर्ष भन्दा माथिको व्यक्ति हुन नहुने उल्लेख भएपनि पार्टी नेतृत्वले विधान विपरित ५० वर्षीय राजीव ढुङ्गानालाई संघको नेतृत्व दिन लागेको विरोधमा असन्तुष्ट विद्यार्थीहरुले प्रदर्शन सुरु गरेपछि झडप भएको हो । कांग्रेस केन्द्रीय समितिको बैठक आजै बस्ने र नेविसंघको नेतृत्व चयन गर्ने कार्यक्रम रहेकाले विद्यार्थीहरु विरोध प्रदर्शनमा उत्रिनेक्रममा पक्ष र विपक्षबीच भिडन्त भएको बताइएको छ । सिटौला समूहका विद्यार्थीहरुले ४१ दिनको रिले अनशनपछि नवराज त्रिपाठीको नेतृत्वमा आवरण अनशन सुरु गरेका छन् ।