नेपालीमा पनि भेटियो भयानक कोरोना भाइरस, काठमाडौं विमानस्थलमा पनि चेकजाँच


प्रकाशित मिति : माघ १०, २०७६ शुक्रबार

चीनमा फैलिएको डरलाग्दो कोरोनाभाइरसको सङ्क्रमण नेपालीमा पनि भेटिएको छ । कोरोना भाइरसको इपिसेन्टर युहानबाट फर्किएका एक नेपालीमा कोरोना भाइरसको संक्रमण देखिएको हो ।

नेपालको स्वास्थ्य मन्त्रालयका अनुशार एक नेपाली विद्यार्थीमा कोरोना भाइरसको सङ्क्रमण देखिएको हो । उनलाई सामान्य रुघाखोकी ज्वरो आएपछि अस्पताल भर्ना गरेर चेकजाँच गर्दा कोरोना भाइरस भएको पुष्टी भएको हो ।

उनको रगतको नमूना सङ्कलन गरेर परीक्षणका निम्ति हङकङ् पठाइएको थियो। त्यहाँबाट उनमा कोरोना सङ्क्रमण पाइएको रिपोर्ट आएको छ । ती बिरामी अहिले अस्पतालको निगरानीमा छन् ।

नेपालीमा कोरोना भाइरसको संक्रमण देखिएको यो पहिलोपटक हो । शुक्रवारदेखि काठमाण्डूस्थित त्रिभुवन अन्तर्राष्ट्रिय विमानस्थलमा पनि चेकजाँचमा कडाइ गर्न थालिएको छ । चीनबाट आउने सबै बिरामीको चेकजाँचपछिमात्र बाहिर आउन दिइएको छ ।

भाइरसले हालसम्म २६ जनाको ज्यान लिइसकेको छ भने ८ सयभन्दा धेरै सङ्क्रमित पाइएका छन्। यसअगाडि अमेरिकाको वासिंटन राज्यमा पनि एकजनामा कोरोना भाइरसको संक्रमण देखिएको थियो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com