राष्ट्रियसभा निर्वाचनः प्रदेश ५ मा मुख्यमन्त्री पोखरेलद्वारा पहिलो मतदान
प्रकाशित मिति : माघ ९, २०७६ बिहीबार
राष्ट्रियसभाको रिक्त १८ सिटका लागि सातै प्रदेशमा मतदान शुरु भएको छ । मतदान आज अपरान्ह ४ बजेसम्म जारी रहनेछ। प्रदेश ५ को निर्वाचनमा मुख्यमन्त्री शंकर पोख्रेलले पहिलो मतदान गरेका छन । प्रदेश ५ मा जम्मा ३०५ जना मतदाता रहेका छन् ।
घोराहीको कर्मचारी मिलन केन्द्रमा स्थापना गरिएको मतदान केन्द्रमा मुख्य मन्त्रीसँगै सभामुख पुर्ण घर्तीलगायतकाले मतदान गरेका छन । निर्वाचनका लागि क र ख मतदान केन्द्र गरेर २ वटा मतदान केन्द्र बनाइएको मुख्य निर्वाचन अधिकृत रितेन्द्र थापाले जानकारी दिए ।
प्रदेश ५ मा ३ सदस्यका लागि ९ जनाको उम्मेदवारी परेको छ । कूल ३ जना सदस्यका लागि प्रमुख सत्तारुढ दल नेकपा, प्रतिपक्षी दल नेपाली कांग्रेस, जनमोर्चा, रापजा,समाजवादी पार्टीलगायत दलहरुले उम्मेदवारी दर्ता गराएका छन्।